راح انزل خطوات تغطيت الكيكه بالكريمه و بعجينة المرزبان و ان شاء الله تستفيدون
استخدمت كيك جاهز
اتبعت التعليمات خلف العلبه
و صبيته في قالبين و دخلتهم الفرن على درجه 180 حتى ينضجون و بعدين خليتهم يبردون عدل سويت اربع طبقات (استخدمت علبتين كيك جاهز)
دايماً اسوي الكيك قبل بيوم و اغلفه بالنايلون و احطه في الثلاجه لي ثاني يوم عشان انزينه لانه تكون الكيكه متماسكه و بارده عشان تسهل تغطيتها بالكريمه
و ثاني يوم شربتها حليب بالشوكلاته عشان ما تصير ناشفه و تكون طريه
حشيتها نوتيلا و حطيت كريمه على اطراف عشان التونيلا ما خرب الشكل لين اغطي الكيكه بالكريمه
و كررت الطريقه مع باقي طبقات الكيك
خفقت دريم ويب مع حليب و غطيت الكيكه بطبقه سميكه من الكريمه و استخدمت سباجولا (سكينة التزين )
و بعدين مسح الكريمه بالاداة ألي في الصوره (الصراحه مادري شسمها)
عشان تساوي الكريمه على الجوانب و السطح و تصير مرتبه
سويت عجينة مرزبان بالمارشميلو
فردت العجينه
و غطيت الكيكه
و لونت العجينه و فردتها و قطعتها على شكل ورود و زينت الكيكه
طريقه الفراشات
استخدمت ورق تلوين بالوان النفخ او البخاخ(تحصلونه في المكاتب او القرطاسيه) و حطيت تحته ورق زبده
ذوبت شوكلاته بيضاء و حطيت على الورق عشان يطبع على ورق الزبده
و بعدين قوست الورق و الصوره توضح
يسلمو على الابداع
وصفة جميلة
ابداع متجدد
تقبلي مروري وردي
وصفة جميلة
ابداع متجدد
تقبلي مروري وردي
