الوسم: المريخي

طولهن واحد ،،ولبستهن ،،وممشاهن
والله أعلم بعد يمكن طبايعهن

زاهيات براقعهن ،، وتزهاهن
لعنبو جدهن ما أحلى براقعهن

لا رضى ابوهن عن الناس خباهن
ولا بغى يدمر العالم يطلعهن

قمت أعدد على نفسي مزاياهن
وقمت أردد على نفسي وأنا أتبعهن

هذي أحلاهن،،لالا،،هذي أحلاهن
لالا،،لاذيك لا،،لاماهي بمعهن

وإستدارن ،، بجنبي شخص ناداهن
قلت ذي فرصتي بأقصد وأسمعهن

للقصايد مع إني حافظ أرداهن
إرتبكت وعجزت أتذكر أروعهن

والسوالف بعد خلني أنساهن
ضيعني صحيح الله يضيعهن

صحيح شاطر ولكن صعب تخدعني
أنا على الطاير افهمها واطيرها

أنا مزاجي واطيع اللي يطاوعني
ان كان لي خلق أمررها أمررها

اسمع كلامي إذا ودك تولعني
سعادتي خلها همك ودورها

ابنصحك قوم خل عنادك وطعني
وتعال نطوي الليالي ونتذكرها

وسمعني اللي كتبته فيك سمعني
والكلمة اللي تشكل معك غيرها

تخطي وأعذرك وأتحمل خطاياك
هويت غلطاتك كثر ما هويتك

ضحيت بالدنيا علشان دنياك
خليت كل اللي يبيني وجيتك

كنت بعيوني وين ما أطالع ألقاك
حتى لو غمضت عيني لقيتك

من كثر ما أحبك وأقدرك واهواك
ما أذكر اني في حياتي عصيتك

ولا فاد كل اللي أسويه وياك
أتعبت قلبي ليتك تحس ليتك

والحين روح أرجوك ساعدني أنساك
لا تجي حتى لو اني بغيتك