الوسم: المصنع

الصور على الطبيعة من المصنع مباشرة مفارش بأقمشة تركية مرصعة بالكريستال التشيكي أو الترتر الاماراتي
للطلب والاستفسار رقمي بالملف الشخصي

وده الشكل التطريز متقرب

وده التطريز ع الاكمام

ده التطريز ع الطرحه

طبعا دي الفضي… والدهبي تطريزها دهبي والسودا تطريزها اسود….
التوصيل ف محطه مترو حلوان…
ودي الاسدلات…
الديزاين بتاعها فراشه بس مش متحدده م الجناب..والقماشه فيزون..وطبعا فري سايز..تلت الكم ملون والتلتين اسود او بني حسب اللون وطرحته عباره عن تلبيسه ملتصقه بالجسم
بيتباع ف المتحجبه ب 200 جنيه.. انا بيعه ب 120 عشان مصنعي…
ودي الوانه….

ده الفوشيا….

وده اللون من قريب

وده الاسود ف ابيض

وده اللون من قريب

ده البترولي ف اسود

وده اللون من قريب

ده البنفسجي ف اسود

ده اللون من قريب

..

الأول دي الحاجات اللي هنحتاجها
..

سلك نحاس

حلقتين صغيرين زي اللي في الصورة

خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها

ست خرزات شبه الخرز الاسود بس دهبي

قطعتين النحاس اللي بيمسكوا الخرز والسلك

وفي الآخر حاجة صغيرة كده زي بنسة اسمها زَرَّادية مع شدة على الراء

دي شبه البنسة الكبيرة دي بتاعت النجارة تقريبا بس على صغنوووون

أهيه

..

الحاجات دي بقى منيييين؟؟

من عند أي محل خردوات أو أدوات الخياطة وبتوع الخرز

هما غالبا بيكونوا في مكان واحد جنب بعض بيبيعوا الحاجات دي يعني

وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا

نيجي للطريقة بقى

أول حاجة هنجيب واحدة من قطع النحاس مع السلك وتلات خرزات دهبي

ونربطهم بالشكل ده

أهم حاجة ماننساش في النص لازم يكونوا سلكين

..

ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر

..

نبدأ بقى بالجزء اللي في النص

وركزوا فيه
هناخد الأول خرزة سودا نحطها في السلكين

بعدها في كل واحد فيهم نحط واحدة خرج نجف عشان يعمل الشكل ده
..

بعدها نلف السلك حولين الجنبين ونضمهم في النص تاني

وممكن لو عرفنا بدل ما نلفه ندخله في الخرز الاسود على الجنبين

أهم حاجة ناخد بالنا من طول السلك يكون طويل شوية لو حبينا نقصره نقصه عادي

بدل مانعمل ومايكفيش في الآخر

..

بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

وتاني نفتحه باتنين خرج نجف ونلفه وهكذا بقى

في الآخر بتوصل بالشكل الجميل اللي شفناه ده بعد مانوصل القفل من الجهتين

..

دلوقتي هنعمل ان شاء الله مع بعض حلق ظريف بالخرز الأحمر

وده شكله

..

وبرضه هنستخدم الزرادية اللي قلتلكوا عليها قبل كده

عشان نقدر نتني السلوك بتاعتنا بالشكل المظلوب زي ما هتشوفوا معايا

بعد كده الحاجات اللي هنستخدمها كالتالي

..

سلسلتين بالحجم اللي شايفينه في الصورة
نجيبهم من عدن بتوع الخردوات وأدوات التطريز

أو ممكن نعملهم بإيدينا بالسلك

خرز أحمر اتنين كبار و 12 حجم أصغر

سلوك على شكل دبابيس بس هي مش مدببة من تحت عادية مش بتشوك

هنجيب منهم 14 واحد

ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا

الأول هشرحلكوا طبعا على فردة واحدة من الحلق واعملوا التانية زيها

هنجيب واحدة من السلسلتين

ونيجي عليها من نصها بحيث يبقى جزء أقصر من التاني
وندخل قطعة المعدن بتاعت الحلق في حلقة صغيرة فيها
بالشكل ده

..

بعدها نجيب الدبابيس (الغير مدببة)

ونحطها في الخرز زي مانتوا شايفين كده وبعدين من الناحية التانية نتنيها

ونخليها على شكل حلقة

وطبعا لو طلعت طولة شوية نقصها بالزرادية

..

بعد كده هنحط الخرزة الكبيرة في السلسلة في الجزء الأطول

وبعدها نبدأ نوزع باقي الخرز الصغير زي ماحنا شايفين كده

طبعا الحلقة بتاعت الخرزة كانت مفتوحة شوية بعد مانركب الخرز في السلسلة

نبدأ نقفل الحلقات دي كويس بالزرادية

..

وكده نكون عملنا حلق شكله جميل وكمان بإيدينا