الوسم: المنطقة

بدون مقدمات و باختصار كنت. أعاني من مشكلة لسنوات طوييلة

كمية متساوية من المر والملح الطبيعي أو الحجري مو حق الاكل

قلييل من العسل يعجن فيه المر والملح حتى تصبح المكونات عجية جامدة شوي وتشكل باليد على شكل تحاميل وتلف بورق ألمنيوم ( قصدير ) وتوضع بالفريزير حتى وقت الاستعمال

توضع التحميلة في فتحة المهبل قبل النوم لكي لا تسقط وتلبسين فوطة صحية حفاظا على النظافة ويفضل بعد انتهاء الدورة أو اذا شعرتي بالتهابات لابد أن الملح قدد يسبب حرقان ّلك دليل وجود التهابات

ملاحظة:
الاهتمام بنظافة المكونات وجودة العسل وشرائها من عطار نظيف تثقين فيه وبجودة مبيعاته لأن هذه المنطقة حساسة جدا جدا

هذه التحاميل أنا استخدمها شخصيا ونتائجها ممتازة والله على ماأقول شهيد كل شهر مره

أخذت هذه الوصفة من صديقتي الحبيبة أم شهد السكرة وهي أيضا تستخدمها ونتائجها جيدة وفعالة

ارجوا تستفيدوا من الوصفة مع خالص حبي

جليسوليد جل

وصفة لتخدير المنطقة الحساسة عند نزع الشعر منها

وصفة منقولة
وهي عن اكتشافها العجيب الذي يخدر المنطقة الحساسة وأي مكان تريدين نزع الشعر منه ، وقد أحببت نقلها لكن

وأترككن مع تجربتها :

بنات ..

اليوم عندي لكم سالفة عجيبة غريبة ..

بس في النهاية طلعت منها باكتشاف أغرب وأغرب .. وممكن يكون طريقة جديدة لنا في التعامل مع شيء مهم واااايد بالنسبة للبنات تحديدا ..

شوفوا السالفة ..

أمس تعورت في مكان في جسمي ما ينفع أحط له لزقة جروح ( المنطقة اللي في أعلى الفخذ قريب المنطقة الحساسة ) .. جان أسير أييب الضماد السائل اللي كانوا يحطون اعلاناته في االتلفزيون.. هو عندي من زمان وأحطه لليهال إذا تعوروا في مكان واضح أو مكان احتمال اللصقة تطيح منه على مشاغباتهم وحركتهم ..

حطيت الضماد لنفسي وهذي أول مرة أنا أستعمله لنفسي ..

اليوم كنت أبا أشيك ع الجرح .. قعدت أطالع الضماد وأقول في خاطري هالانجليز ما خلوا شيء ما اخترعوه .. المهم شفت كم شعرة صغيرة أنا غطيتهم بالضماد بدون قصد جان أتحرش فيهن وتخيلو شو صار .. الشعرات طلعوا في ايدي بدون ما أحس ..
أنا استغربت..

جان أسحب كل الشعر اللي غطيته بالضماد ..

شعرة شعرة ينقلعن في ايدي شرات ما تسحبين الكلينكس.. انصدمت .. المكان اللي أنا محطية عليه الضماد مكان الشعر وااااايد صعب ينسحب منه.. لأنه حجم الشعرة سميك .. تعرفون هالشيء أكيد

قلت أنا بشوف شو السالفة ..

سرت يبت الضماد …

وغطيت فيه منطقة أسفل البطن .. يعني صوب المنطقة الحساسة .. وهالكلام كان الساعة 6 المغرب..
بعد نص ساعة شيكت .. والا الشعر يطلع في ايدي بس فيه وخز كأنج تسحبين شعره من ريلج مثلا ..

الساعة 11 بالليل .. سحبت الشعر .. والا خفيف.. والوخز شبه معدوم …
بس المنطقة اللي من أمس عليها الضماد كان الشعر يطيح منها بشد بسيط بأصابعي ..

سويت حلاوة ع المكان .. في 8 دقايق أنا مخلصة .. والألم شبه معدوم أخف عن يوم تحطين املا .,, بس الجهة اللي من أمس مافي احساس الا إنج تسحبين شيء ..

تخيلوا …

أنا سويت هالشيء تجربة وما كملت كل المكان .. المنطقة الأهم اللي تحت تبالها وقت أطول .. بس أسفل البطن بسرعة خلصت ..
وتصدقون إنه ينجلع بالأصابع حتى موب بالملقط .. يوم استعملت الملقط شليت الأشياء الصغيرة وايد بسهولة ..!!
أنا تميت أفكر .. عمري ما كنت أتوقع إن مفعول هالضماد قوي لها الدرجة على جذور الشعر .. هو ما يذوب الشعرة بس يضربها من صوب الجذر .. وتذبل

أنا قريت اللي مكتوب عليه ..
إنه 100 % ضد الماء وغير لاسع ..
يسمح بدخول الهواء خروج الرطوبة ..
يساعد على التئام الجروح ———< هنيه فيه مادة طبية أكيد .. ممكن تكون هي السبب
مسكن فوري ————–< بعد نقطة مهمة
يبقى ثابتا لعدة أيام ثم يزول بطريقة طبيعية —————–> وحياتكم شوية زيت أطفال في كلينكس وخلصنا ..!

سعره 64 درهم من صيدلية ابن سينا وموجود في كل الصيدليات

الحين أنا قررت أعتمده كجزء مهم من عملية التنظيف مالي .. لأنه سهل الاستخدام واااااايد .. مجرد تحطين النقاط من القطارة ع عود القطن اللي وياه وتوزعينه ع المنطقة اللي تبينها ..

ثاني شيء إنه ما يوسحخ أبدا أبدا .. لأنه يتجمد في 20 ثانية .. وشفاف ما ينحس به ..

وقررت أحطه بالليل قبل بيوم من التنظيف .. وثاني يوم المسا أنظف ..

علشان ياخذ الوقت كله وتذبل جذور الشعر عدل ..

تدرون إني استغربت كيف الشعر ينسحب بسرعة بالأصابع ..

والله ما أدري من شو يصنعون هالسوالف …

وجذيه يمسحون بالقطنة اللي وياه .. ( بتلاقون داخل أنبوبة صغيرة فيها المحلول و10 أغلفة كل غلاف فيه قطنة )

عموما .. أنا حطيت السالفة مع إني احترت كيف أكتبها وايد بس حطيتها لأني أباكم تستفيدون .. وأتمنى من أي وحدة تجرب ويضبط معاها الموضوع

1-الإبتعآد علبس الملآبس الدآخلية المصنوعة من النآيلون والملونة .
2-إستخدآم الملابس الداخلية القطنية البيضاء مع ضرورة لبس الملابس الداخلية الطويلة (الشورت)بشك دآئم لمنع الإحتكآكـ .
3-عدم دعكـ المنطقة بليفة خشنة أثنآء الإستحمآم لأنهآ المسبب الرئيسي للسوآد .
4-إستخدآم الفوط الصحية المناسبة أيآم الدورة والتي لآ تسبب الحسآسية وتؤمن الحمآية أكثر من غيرهآ .
إستخدآم الفوط الصحية اليومية في غير أوقآت الدورة وهي صغيرة وتؤمن الحمآية والنظافة طوال اليوم وتمتص الرطوبة.
5-إستخدآم منآديل منعشة معلبة في عبوات صغيرة منفصلة وهآ رآئحة منعشة خاصة في السفر لمسافات طويلة أو عند عدم وجود المآء .
6-إستخدآم بودرة الأطفال للمنآطق الحسآسة .
7-الإهتمآم بالنظآفة الشخصية دآئمآ وخآصة في أيآم الدورة والإستحمآم وتغيير الملآبس الدآخلية بإستمرآر .