الوسم: المواجع

طويت آخر ورق عندي في دفتر أحزاني

طويته وانكسر قلبي وصوتي بالمواجع سال

ودريت ان الظلام اللي تحت كف السهر جاني

جلست أجمع مسافاتي وأغني للسفر موال

على صفحه من الماضي بها حلمي وعنواني

بها كم سافرت روحي وأنا بالليل وحداني

حبيبي كل ما اشوفك تجي بالذاكره تختال

نهر من فايض الذكرى يجي من داخل أشجاني

تخيل يوم عانقني خيالك خاطري وش قال

تخيل قبل أسولف لك سألني عنك وجداني

سألني لين خلاني مدينه هزها زلزال

تخيل ماهدى حتى لقاك بداخل شرياني

هنا كانت ليالينا الغلا والمقبلات آمال

وهنا كانت مواعيدك مطر تخضر به أغصاني

هنا كانت نواظرنا سوالف في كلام أطفال

وهنا كانت عصافيرك على دربي تحراني

هنا شف باقي آثارك على رمل الوعد ما زال

وهنا شف دمعة طاحت من عيونك على شاني

حبيبي لا تسألني عن أوضاعي وكيف الحال

أنا بعدك سحاب أبيض أضم الريح بأحضاني

تسافر بي وأحسب إني وصلت لاخر وطن بالبال

وأثرني ماوصلت إلا بداية درب حرماني

وتبقى سيرة الذكرى قصيده تكتب الترحال

ومهما حكوا الناس مزين الصمت
دام الكلام بعضه صار.. عار

دامني لا وقعت ماألقى الا سلمت
واحاول اعتذر واخلقلي من الاعذار

ولو يشتعل صدري بالنار ماتكلمت
تعبت من الهرج ماابي الفت انظار

وعذري لا تعدت ايامي ولا نمت
اسهر طوال الليل بزحمة الافكار

اتعبني زماني وتشتت لين همت
بالقصايد جعل ينزاح همي الجبار

اسلك للناس والكلمه اختمها بصمت
تعبت ابرر واتكلم واخاف ..انهار

*كل ماجيت بتكلم اذكر يوم تألمت
ورد للصمت وبيوته بصدري كبار

لكن زين اني ..بمره …تعلمت
ان الصدر بيت(ن) وسكانه اسرار

يواسوني ليامني تعبت وتكتمت
ويناضرهم الكل من جار(ن)ومار

*لكن انا بمشي بدربي ..تولمت
اقدم اقدامي على درب الاصرار

وكل ماطحت بالحفر والمتاعب قمت
*رغم ان جروحي كثار وتناهيدي كثار