,,,,,,,بنوتة 2022,,,
*لما قابلتنى قالتلى وهى بتسرح بخيالها بعيد…:يااااااه ياترى هتجوز امتى؟ ومين؟
………ردت عليها بسرعة ورجعتها للواقع:..مش المهم امتى؟..المهم انتى جاهزة للمرحلة دى؟؟؟
بصت لى باستغراب..جاهزة؟؟..قلتلها:آه.. .يعنى اصله كده كده ان شاء الله مكتوب عند ربنا هتتجوزى امتى ؟ومين؟بس الفكرة بأه,,الفترة دى هتقضيها ازااااى؟
……يعنى هتمشيها كده وخلاص؟ولا هتأهلى نفسك عشان تبقى
….زوجة صح..ام تمام..بنوتة بجد
,,,,بصت لى باسبهلال
قلتلها بصى بقى قدامك حاجة من الاتنين
_يا تقضيها اى حاجة ..ولما تتجوزى تلاقى حياتك اى حاجة وتربى عيالك اى حاجة وتمشى حياتك اى حاجة
_يا اما بقى تعتبرى الفترة دى فترة تأهيلية تأهلى نفسك فيها عشان تكونى:
زوجة صح,ام تمام,ست بيت10÷10 والاهم من كل ده..بنوتة بجد
**انا هقولك اقتراحات جت ع بالى ولو حد عايز يضيف حاجة يبقى اهلا وسهلا:
اولا:ودى حاجة مهمة اوى:لو مامتك او باباكى او الاتنين عايشين _ربنا يطول ف عمرهم_خلى شعارك""لازم اشبع منهم قبل ما ابعد عنهم"
بجد والله لما الواحدة بتتجوز بتحس بوحشة وغربة ف الاول وبتبقى نفسها ترجع تترمى ف حضن مامتها وتحكى معاها بدون قيود ……
بجد بجد اشبعى منها..اسمعى حكاياتها ماتتأففيش,,فضفضى معاها,,خدى رأيها,,,قضى معاها وقت وخليها هى كمان تشبع منك
لأن دى اكتر فترة هتقدرى تهتمى بيها
وطبعااااااااا…لاااااااااازم تساعديها ف البيت ع قد ماتقدرى(طبخ ,,تنضيف,,ترويق…اى حاجة يعنى…..سيبى بصمتك:)
تااااانى حاجة بقى…انتى لازم تهتمى بنفسك وتحاولى تتعلمى حاجات وعادات صح عشان تكونى اجمل:)))
شعااارك"انا اهتم بنفسى..اذا انا بنوتة"
يعنى:تمارسى رياضة الايروبكس ولو نص ساعة يوميا ف البيت او اى جيم قريب
عشاااااااان تبيقى رشيقة كده زى الفراشة كده وتحسى انك شباب بجد
ملحووووووووووظة:مش معنى انك رفيعة تبقى رشيقة:)
ده زائد انه صحيا مفيد جدا للجسم
ثوااااااااااااااانى…دى فقرة صحتك تهمنا…..هيهي ظريفةp:
تواظبى ع شرب المياه والعصائر وعمل المسكات وحمامات الكريم للشعر …ولو حتى مرة ف الاسبوع بس مهم جداااا عشان تتعودى عليها من دلوقتى وبعد الجواز ماتهمليش ف نفسك
عشااااااااان لو اتعودتى من دلوقتى….هتلاقى نفسك بتلقائية مواظبة ع كل الحاجات دى
تالت حاجة:لازم تحاولى ف الفترة دى تزودى معلوماتك وثقافتك سواء المعلومات والعلوم الضرورية الدينية الا ما ينفعشى نعبد ربنا صح من غيرها..زى فقه الطهارة والوضوء والصلاة والصيام..وعلم التوحيد(ونعرف مايخالف العبادة الصحيحة والتوحيد)
وكمااان المعلومات الثقافية الاساسية ف الحياة
,,,,,,زى تكونى عارفة ايه الابيحصل ف الدنيا(ع السريع كده)
,,,وتكون عندك خلفية تاريخية بسيطة
,,وتحاولى كل يوم تعرفى معلومة جديدة بسيطة
***……\\\النقطة دى مهمة اوى لأنك عشان تعبدى ربنا صح لازم تعرفيه صح وتعرفى العلوم الشرعية الاساسية
وتلاااااااااااااقى حاجة تربى عليها عيالك وتعليمها لهم وتقوليلهم الصح من الغلط
وعشان تقدرى تتعاملى مع المجتمع صح لازم تعرفى اللى بيحصل حواليكى
….ورابع حاجة:ودى كمان مهمةجداااااااااااااااااااااااا اااااا..لازم تحاولى تختمى القرآن ف الفترة دى وتقرى تفسيره ..عشان لما تتجوزى اكيد هتنشغلى ويبقى مجهودك ع قد مراجعة القرآن
مش……حفظه اول مرة وياريت يكون ف مسجد او دار عشان
الحفظ ف البيت مشروووووووووووووووووع اثبت فشله بجدارة:)
شعااااااااااارك"ختمة ختمة قبل العطلة"
وخامسا قبل الاخيرة(هانت خلاص والله:)
لو بتشتغلى حاولى ابذلى اقصى مجهود عندك ف الفترة دى وتحاولى انك
تنجزى 3 او4 خطوات مرة واحدة عشان انتى دلوقتى ف الفراغ تعدى المرحلة الاولى من الشغل اللى هى اصعب مرحلة
وتقرى عن شغلك وتحترفيه عشااااااااااان
لما تنشغلى بعد الزواج ع الاقل تكونى حققتى حاجة ومرحلة تثبتى عليها بعد الزواج
اخييييييرااااااااااااااااااااا اا
لو تقدرى تنفعى الناس بأى حاجة(علم,مجهود,وقت)حاولى ماتبخليش
لأنك مش عارفة بعد الزواج هتقدرى تساعدى الناس بنفس المقدار ولا لأ
شعااااااااااارك""ماتتأخريش عشان ماتتحرميش""
6 اقتراحات ..لو اشتغلناهم صح هنكون استغلنا الفترة دى صح
وجهزنا نفسنا صح للمرحلة الانتقالية:))))بدل ما تقضيها تفكير
والاهم من كده:لما تعدى الايام وتبصى وراكى
هتلاقى ان حياتك ماضعيتشى كده وخلاااااااااااااص
وانك عشتيها صح:)
______________________________ ___________
منقول للإفادة ♥ ♥
