الوسم: اليتيمه

في خيالي صورته والروح مع روحي مقيمه

ما سهيت ومانسيته مع مشاغل هالحياه

وآنا ماني عارفه شالسالفه وقعدت أبكي وأقولها ليش يمه

آنا ما سويت شي وهي تصارخ علي وتقول آنا مو أمج لا تقولين يمه —

وخذوني خواتي ودوني الغرفه وخفوا عني وقالولي السالفه

وهي ((أبوي تزوج على أمي))وخلوني وآنا صراخ أمي في أذني وهي

تقول أنا مو أمج وصراخها وهي تقول الله ياخذج مثل ما أخذ اهلج وهي

ما درت أنها هي اهلي ,وامي اللي ما أعرف غيرها وأنا شنو

ذنبي اذا أبوي تزوج وقعدت معزوله بغرفتي اسبوع حنى أكلي

فيها بطلب من خواتي ومراعات لحالة أمي لأنها كل ما شافتني

تتذكر العمر اللي ضيعته في تربية بنت أخو زوجها اللي كافئها بالزواج عليها…

وبعد أسبوع رديت أكل معاهم واعتزل بغرفتي وتغيرت معاملت أمي معاي مع

أن أبوي راضاها وغيرت رايها بطلب الطلاق واستمرت بالحياة معاه ..

بس من يومها وهي رافضه أناديها بيمه وقالت أنا عمه وما أسمع كلمة يمه

منج ونفذت لها طلبها بس من يومها وحياتي تغيرت صرت وحده ثانيه كئيبه

اقضي الليل في البكاء والعزله وصرت ما أحب أي مناسبه اجتماعيه واعتزلت

نفسي في غرفتي مع ان خواتي كانوا البلسم اللي يهون علي معاملة أمي

وحتى لو رفضت اناديها بأمي فبيني وبين نفسي فمراح اقول غير أمي

وبعد هالظروف اللي صارت كنت في آخر سنه ثانويه وانعزلت بغرفتي وضيعت

وقتي بالدراسه وتفوقت وحصلت على نسبه تدخلني اي كليه….

بس للأسف حتى فرحتي بالنسبه انقلبت الى حزن والسبب ان

جميع خواتي وحتى اخواني خريجين معاهد وعمي لما خبرته بالنسبه

قال((هذي النسبه اللي تفرح مو الاغبيا اللي عندي مافي واحد منهم دش الجامعه وفرح قلبي))
وطبعا كل وحده منهم خزتني وصعدوا غرفهم بدون لا يقولون كلمة مبروك

ويفرحوني فيها.طبعا كالعاده بكيت وتمنيت لو عندي أم وأب يشاركوني هالفرحه .

بس الله يخلي لي جدتي اللي لقيتها تمسح على راسي وتقول ما عليه

يا حبيبتي اخوانج فرحانين لج بس عمج الله يهديه احرجهم ومرت الايام

ورفضت اسجل بأي كليه عشان ما أجرح مشاعر خواتي وخواني وخاصة

انهم كله يسألون متى تسجلين والمعهد احسن لج وتخرجين بسرعه

وما لقيت اهتمام من اي واحد منهم وصارمعاي اكتئاب كرهني بالدراسه نهائيا

وقعدت بالبيت واعتزلت اللكل ..مع ان خواتي كانوا اهم اللي مهونين

علي حياتي وأما أمي كانت كله تكرهم فيني كله تقول يتيمه واحسن منكم

بالدراسه وشغل البيت وحتى اللبس اكشخ منكم شوفوا اذا ماتزوجت قبلكم..

وقدرت تزرع الغيره بين خواتي خاصة انه ولد عمي خطبني وخواتي اكبر مني وهذا

الموضوع زرع الغيره بيننا وآنا رفضته وقلت لعمي آنا ما ابي أتزوج اللحين

والمشكله ان أكثر من شخص يخطبني من الاقارب ولا يتقدمون لخواتي

مما زاد الكره والغيره اللي كان سببها أمي الله يهديها واصرت فجأه

بأن تسكن هي وعيالها بمنزل بروحهم واقنعت عمي بأن ما دام انا معهم

بنفس البيت محد راح يتقدم لبناتها وبقيت انا وجدتي بروحنا بالمنزل

وبديت استرجع ايام طفولتي الحلوه او اللي كنت أعتقد بأنها سعيده

أذكر لما كنت امرض الخدم كانوا يعالجوني وأمي كانت بس اشراف

ولما كان اخوي يمرض كان ينام عندها وكانت بنفسها تعطيه العلاج

ومره طحت من الدرج ونزف راسي كانوا عندها صديقاتها قالت للخدامه

لفيه لها بشاش ولما وصل عمي وداني المستشفى وعملولي غرزتين

واذكر اخوي طاح على ركبته وكان جرح بسيط وعمي قال مافيه شي

قالت لو بنت اخوك طرت فيها المستشفى وراح المستشفى

وعملواله ضماد واصرت اتروح لمستشفى خاص لأنها حاسه

انهم ما يعرفون شي وفعلا لما استرجع طفولتي اكتشف اني انا اللي كنت

ادرس نفسي واتفوق وعمرها ما درستني بس كان المدح لها وكانت كله تقول

تفوقي على حساب عيالها واذا مرضت البركه في الخدم بس اللي كان

مخليني احس انها مو مقصره الحضن اللي كان يحتويني مع انه ما

حلوه ولا املك اي احلام ولا املك اي صديقه لي لأني احس بأني

حسوده لأني فعلا احسد من لديها أم وأب وعائله أما انا فلا املك غير الدموع

الكل نفر مني خاصة مع عنوسة خواتي اللتي دائما تكرر أمي

أني السبب وتركتهم يبتعدون عني فلا أحد لي غير جدتي الحبيبه

ولكن الا متى فهي كبيره بالسن وتصر علي بالزواج أما أنا كيف

أتزوج وانجب وقد اموت واترك ورائي مأساة أخرى أسمها أمل …

فلن ولن اتزوج الا ان اقابل أمي وأبي الحقيقين في جنة الخلد

وابقى مع جدتي الا أن يأخذ الله أمانته ,,,فهل من أسرة أو قلب يحتويني

سأنتظر ……………………..وانت ظر……….وانتظر.

وانتي يامل لاتوقفي حياتك على كونك يتيمه فكم من وحده فقدت الاب ولام

ولاكانها ماحرمت نفسها انها تكون اسره ولا انها تعطي الحنان الي فقدته لاوالدها

ويكون لها زوج يعوضها الحنان الي هي فقدته

الله يوفقك ولاتوقفي حياتك استمري وانجحي