الوسم: Collection)

كيفكم يا حلوييين؟؟!

متل ما وعدتكم هاد الجزء التاني من مجموعتي ..

طبعا هاد احسن من اللي قبلو بكتيييييييير …

لانو هون تحسن رسمي على المانيكان ..

وهاد الجزء عباره عن فساتين سهره وفستانين خطوبه وفستان عرس ..

انا بالنسبه لالي بحب البساطه والنعومه بالتصميم .. وما بحب يكون فيه 100 لون وشكل ..

يعني شي بسيط وناعم وبنفس الوقت راقي وفخم ..

ما بدي اطول عليكم D:

يلا نبدا ..

||
||
||
||
||
||
||
||

(1) اولا هاد عباره عن فستان سهره قصير .. وفي ورده كبيره من التل الاخضر على الكتف .. وفي الوسط في حزام على جنبه ورده نفس الورده اللي فوق بس على حجم اصغر ..

(2) هاد فستان احمر .. بموديل كتف موجود والتاني لا .. طبعا اللي على الكتف بالاحمر الغامق من الكركش ازا بتعرفوه .. وفي تطريز على طرف الفستان بالوسط نفس لون الكركش اللي على الكتف .. وممكن نلبس الفستان في سهرات او حفلات اعراس ..

(3) هون فستان اخضر زيتي .. ممكن نلبسو بسهرات بس هو انسب للتجمعات النسائيه اول المناسبات البسيطه والمحدوده .. واللي باللون الزيتي الغامق على الصدر واطراف الفستان والحزام من الجلد الزيتي الغامق ..

(4) اما هون امامنا فستان ناعم ممكن ازا حبينا نكون شيك بالبيت نلبسو .. او بتجمع او مناسبه محدوده او استقبال ..

(5) اما هاد فستان اسود بس بالتصوير طلع رمادي .. في اشرطه حمرا على الكتف وعلى الخصر .. ممكن نلبسو بسهرات او حفلات اعراس بس الانسب ارتدائه بحفلة تخرج ..

(6) هاد الفستان هو المميز بالنسبه الي من بين كل مجموعتي .. صحيح انو بسيط بس انا بعتبره كتير فخم وكتير راقي .. طبعا الشريط اللي في هو عباره عن شريط ذهبي مرصع بالكريستال والالماسات الذهبيه .. والمميز في انو هالشريط جزء منو داخل الفستان وجزء خارج الفستان .. ما بعرف اشرحلكم اكتر بس اتوقع واضح بالصوره ^^ وممكن نلبسو بحفلات اعراس او سهرات لانو كتير فخم وراقي ..

(7) اخر فستان من فساتين السهره .. هاد الفستان على بساطتو الا انو ايضا راقي وفخم .. اللي باللون المشمشي الساده عباره عن ساتان .. اما اللي في ثنيات كتيره من المخمل .. مناسب جدا للسهرات وحفلات الاعراس وبيعطي تميز للي بتلبسو .. ورقي ..

هلأ رح نبدا بفستانين الخطبه .. وفستان العرس ..

(8) هاد عباره عن فستان خطوبه لونه ابيض وفيه خرابيش كتيره من تدرجات اللون البني .. وطبقه تحته لونها بني فاتح .. و وردتين بنيات من التل وحده عند الصدر من اليمين .. وحده على طرف الفستان من اليسار ..

(9) اما هاد فستان غريب شوي .. في الوان الرمادي والاسود والوردي .. في طبقتين من الوردي .. والتانيه من الرمادي المخطط بالاسود ..

(10) واخيرا وليس اخرا فستان العرس .. في نفخه بسيطه .. وعلى الصدر كريستالات صغيره .. ومتدرجه على طرف الفستان لاخره باليسار .. وعلى ذيل الفستان في نفس الكريستال اللي على الصدر .. اما الطرحه فعليها نفس التطريز .. بس بشكل انعم واقل .. اتمنى يكون عجبكم ..

وبسسسس .. هاي هي مجموعتي المتواضعه .. بتمنى تكون اعجبتكم ..

ويا ريت النقد البناء للمجموعه .. والردووود .. ما بدي بس مشاهدات ..

وكل وحده تكتب رقم التصميم اللي اعجبها ..

تحيــــاتي ..

شكرا انتي الاجمــل ^^

بالتوفيق النا والك وللجميع يااا رب ..

والله زعلت 🙁