الوسم: الجفا

يا لايم المبلي كم واحد مثلي ؟؟
كل الهوى بلوة للي يحب ويود

أنا الذي أهواه وعنه الصبر ما أقواه
لو طالت الأيام كل يوم أقول يرد

ولا تجي لك عشان الحُــب منذله ،
إلا بـ هذي آبد ماهي بـ مسموحه !

بتروح ؟! هذا الجـــفا تبخصه وتدله ..
لكن تأكد [ ترى الروحه هي الروحه ]

ما عـــاد فيني شـــبر "تطعنه وتعله" . .
إللي تشوفه: جسد واقف على جروحه ،

العــام | قلبي حضنك و عشت في ظله
سلمت روحك بديه / وسلمك روحه …

واليوم | واقف بوجهي وسيفك تسله !
الله يذكر زمـان الحب و صروحه . . .

خلاص ما كل مره بدمح الزلـــه ..
إليا متى بـ آعتبر زلتك مدموحه ؟!

إن رحت بلقا بدالك [ من يجي كله ]
ماني آنا إللي تروح و يجلس بروحه

ذكرتني في بيت ماهو لي .. لا والله
للعود ، لكن آحسه يقصدك بوحه :

هذه قصيدة أحببت المشاركة بها

إن شاء الله تعجبكم

متى يا ليــل الجـفا

ليـل الجـفا.مادري متى يغـشاك نورالصـباح
…………….. وارتاح مـن هـم ٍ عـلى قـلبي بنى منـزله ْ
مدري متى تسقي السحايب روضة الانـشراح
………………. واتـْبـَشّر الوادي بخير ٍ جاه عـقب امْحَله
والبهجة الوَلـْهَى تلاعب زهر بالعطر.فاح
…………….تدرج على روس العشب بين الغضا.واعْبله
هذا الأمل ليت الأمل لـ من دعيناه لاح
…………….. ياتي ولو.ما كـان خطواتـه تجـي باعْـجلة ْ
إنْ كان ذا.ولا ّ.تراني عـقـب صفرالرياح
……………….حالي ونى والهـمّ مدري كـيف باتـْحَـمّله
محتار وقـتي لحّـني وّخاطري مااستراح
………………نـسّتْ ركابي بالحمول وضاعـت المسألة
كـني سجـين ٍ والفـضا.عـندي ورحـب البراح
………………. والحظ ّ ما نهضْ وظرف الوقـت ما يمهله
عِـيْـل الصبر والياس حط ّ ابْحلـّـتي واسـتباح
………………..فـتــّحْ خـوافـيها وكـل امْغـلـّـق ٍ فـتــّـله
وآخر عَـلـَم للصبر من صلف الملاقاة طاح
…………….دلـْهَم نهاري والطريق اللي ابيه اجـْهـَـله
ليته يـجي لي منـْه مندوب ٍ بعـلم الصراح
………………..كان الركام الـلي لقح بـالهـم ما يهطله
يسري خفـيف الحمل لو.شـطـّت عـليْه البطاح
……………..ما.ضاق بالممشى ولا. بان الخلل باجْمله
واللي ضعـيف الحال مثـلي كيف يقـوى المراح
…………………ويلا.قعد . يا كـثر ما يطري عـليْه ازعله
باسـباب هـم ٍ داهم ٍٍ يـشهر عـليْه السلاح
………………..قد.هيـّضه ْ طول الجـفا.والخـلّ ما.ردّ.له
لا.شـك انا.مدري متى يغـشى ظلامي صباح
……………..مدري متى قـلـبي ثـقـيل الهـمّ ما.يدهله

————————