الوسم: الحافظ

السلام عليكم

بنات ودي تشاركوني مواقفكم اللي ما كان فيه أي حرص ومتابعة منك وحفظك الله فيها خاصة فيما يتعلق بيتك أبنائك زوجك أسرتك خاصة في الأمن المنزلي أو المطبخ أو الأطفال

سبحان الله كثير مواقف تعلمنا أن الله هو الحافظ وكلما نفعله أسباب

أنا عندي مواقف

قبل أتزوج كانت أختي الكبيرة تكوي تنورتها الصباح عشان الجامعة ، وكانت تستخدم توصيلة كهربا من اوب ريالين المهم كانت معطيه الباب ظهرها وتكوي والفيش جنب الباب

دخلت عليها فجأة إلا السلك محترق ويدخن بقوة ، سبحان الله اللي حفظها لحظه ما فصلنها لينه ذايب ومن قوة الحرارة ما قدرنا نلمسه

الموقف الثان بعد زواجي كنت آخذه إجازة والصباح نوم ، المهم أنا بالعادة أصحى الصبح عشان أسوي الفطور وعشان أتأكد من الأبواب ويجس ذلك اليوم كنت مرة نعسانة افطر زوجي وراح يشرب شاهي شفته مطول رحت أنام قلت وانت طالع صحني أصلا زوجي يقفل الباب بالمفتاح وأنا بالمزلاج ، ومع ذلك رحت أنام ولا صحاني وراح ومع ذلك نسى يقفل الباب بالمفتاح ، ويوم صحيت الساعة اثنى عشر ألقى المزلاج مفتوح وأفتح الباب وينفتح وانصدمت عرفت إنه ما قفله وأطالع إلا عمال وش كثرهم في العمار اللي قدامنا سبحان الله وأنا ما حسيت بأي شيء قفلت الباب ورحت أحمد ربي ::icon_eek:

وأمي مرة تقول وحنا صغار رحنا المدرسة وما عندها أحد وتقعد تشتغل ومشغله إذاعة القرآن تقول نغزني شيء في قلبي إن أمر المطبخ وأثاري حاطه بريق الشاهي وناسيته وكان في لحظاته الأخيرة :confused:

ِِِِِ
,ابوي الله يحفظه ويخليه لنا>>>>>>اللهم آآآآآآمين المهم كان يسوي اللمبه فوق المكتبه وفي تحفه مرره كبيره وقزازه كمان وانهزت المكتبه وطاحت التحفه على راس باباوانكسرت عليه وانقسمت التحفه تنتين في راس بابا وسلم راس بابا الحمدالله يارب وماكانه صار له شي ابدا ماشالله تبارك الله يافديته
وكم يسوي الكهربا زي المكيفات مثلا وتنفجر فيه تخيلي بس ومايصيرله شي الحمدالله حتى اخوالي يقلوله هذا جني مو انسان