تسلم ايدكي
بسم الله الرحمن الرحيم**
السلام عليكم حبيباتي البلقيسيات
عدت لكم مره اخرى مع قصه جديده قصه عشت بعض احداثها وللأمانه هي واقعيه وبها كثير من الاضافات والتعديلات لزوم الدراما**
بطلة القصه هي أمل الحلوه**
أمل متزوجه وعندها بنتين ولد بيضاء متوسطة الطول **عيناها واسعه وجذابه جداً وابتسامتها تسحر جميله جداً لكنها سمينه طباخه ماهره وتحب الأكل..**
زوجها فيصل وسيم كشخه وكريم جداً ويحب بيته وأولاده ومايطلع كثير**
فيصل: السلام عليكم**
أمل : وعليكم السلام ليش متأخر يعني لازم اسخن الغدا الف مره**
فيصل؛ آسفين .. كلها يومين وترتاحين مني**
أمل: اي والله اباخذ فترة نقاهه وارتاح من طلباتك**
فيصل بنرفزه: حطي الغدا**
امل تلف وجهها وتحط حرتها في الشغاله
على الغدا**
فيصل يأكل بصمت**
وآمل بأعلى درجات الصوت تنادي عزوز وجع ان شاء الله تعال تسمم ،،، دانه اجلسي الله يأخذك**
قام فيصل يرتاح**
في اليوم الثاني**
يالله تجهزوا عشان اوديك لأمك ولاتنسين اغراضي لا ينقص شي..**
أمي مسافره عند خالتي بروح لاخوي خالد**
لا لا خالد احواله تعبانه وماودنا نكلف عليه روحي لمحمد أزين**
امل: لا تكفى قيس وليلى استحي احسهم في عالم ثاني**
فيصل بينه وبين نفسه مالومه شكله مبسوط الله يهنيه ولا يحرمنا**
في غرفة النوم**
امل ترتب الأغراض وتصيح على الخدامه**
وفيصل على السرير : امل تعالي أبيك شوي..
امل بدون اهتمام ؛: مشغوله الحين ماني فاضيه**
فيصل : دقايق بس**
امل؛ والله انك فاصي قول وش تبي ..**
فيصل بحب : بتوحشيني**
امل : انت رحت عشان اوحشك وتضحك بصوت مزعج
فيصل بنرفزه: أنا انتظرك برا لا تتأخري*
امل تصيح عزوز تعال بسرعه عساك العمى..
**ميري جهزي العيال بسرعه..
وفي السياره**
امل مشغوله طول الطريق برسائل الجوال**
وفيصل يناظرها بتعجب**
فيصل: يالله حبايبي وصلنا كل واحد يعطيني. بوسه**
الأولاد يودعون ابوهم وآمل تأشرله من بعيد باي ..
محمد فتح الباب هلا والله بالغاليه**
امل : الله يسلمك**
من بعيد نسرين جايه لابسه برمودا جنز وتي شيرت وردي ومكياج ناعم : وبكل غنج هلا والله ميمي نورتي البيت وتلتفت على الأولاد بدلع هلا حبايبي وحشتوني وتبوسهم واحد واحد..
جلست امل في الصاله **ريحة الفواحه ماليه البيت هدوء وراحه عجيبه في البيت
تسولف هي ومحمد وتدخل عليهم نسرين وتحرك راسها بنعومه يللا مودي العشا جاهز
يللا ميمي الله يحيك نورتي البيت**
امل : الله يسلمك منور بوجودك ..
نسرين بنت نعومه وتحب نفسها كثير متوسطة الجمال والبياض قصيره بشكل عام عايديه**
محمد ملامحه حلوه اسمر وطويل**
يحب زوجته وهي تحبه وعايشين حياه سعيده الكل ملاحظها عندهم ولد ولهم اربع سنين متزوجين بس اللي يشوفهم يقول كأنهم عرسان..**
على العشا
**امل تأكل وتتابع حركات نسرين ونظرات محمد**
نسرين تآكل بهدوء **ومحمد يقطع لها اللحم**
امل في نفسها : حليلك ياحليمه بولند **والله يا اخوي ماتنلام شفت شي ماقد شفته غنج ودلع ..**
وتذكرت نفسها كيف تجلس على الأكل وتربع وتشمر يدها وتقطع الدجاج بحماس وتأكل بسرعه وضحكت على نفسها وشرقت عالاكل**
كح كح كح**
نسرين بسم الله عليك ياحياتي خذي مويه وتعطيها الكأس شربته امل وهي كاتمه الضحكه..
راحوا ينامون**
جهزت لها نسرين الغرفه وسألتها اذا تحتاج شي ..
امل : تسلمين**
نسرين : اذا احتجتي اي شي لا تستحين ياعمري البيت بيتك سلام**
امل تكلم نفسها: اقول ياحلو لسانك بس ..
ونامت **
**
نسرين : بغنج مثل الأطفال طيب كمل الحليب ترى أزعل عليك**
محمد: طيب بأشربها**
دخلت أمل : صباح الخير**
محمد : صباح النور منورتنا والله يالغاليه
امل : الله يسعدك**
نسرين كانت لابسه بجامه مشمشي فاتح**
ورافعه شعرها بشكل مرتب**
هلا ميمي بسويلك حليب أحط لك نسكافه ولا تحبينه ساده وتغمز بعيونها**
امل بتعجب احبه بنسكافه**
وتراقب نسرين وهي تتحرك برقه في المطبخ**
وفي نفسها ( ياعزي عنك يافيصل اسويلك الحليب في الصبح وانا معصبه وشوشتي منفوشه والنفس خايصه بعد)
محمد: يللا انابروح تبغين شي
نسرين : تحك راسها بدلع نبغى خبز ولبن وعصيرات وتغمز بعينها وأشياء حلوه**
محمد: مثل ايش**
نسرين: يعني شوكلاته وشيبس وكل شي حلو**
محمد : يضحك ابشري وترى اليوم بطلعكم جهزوا الحلا والقهوه.**
توصله نسرين لعند الباب**
وفي الظهر رجع محمد من الدوام**
طبعاً غدير جهزت الغدا ورتبت البيت وقبل وصول محمد بخرت البيت ولبست فستان قصير بني غامق وصندل بني **بشرايط تنربط على الساق ومكياج أورانج خفيف
وجلست تقرأ في كتاب كيف تستمتع بحياتك للدكتور محمد العريفي (لا يفوتكم)
اول مادخل محمد كانت تقرأ في الكتاب ومندمجه لمن دخل محمد وسلم ردت السلام وكملت الصفحه**
جهزت الغدا وكانت سفره مرتبه والصحون شكلها حلو والتبوله مقدمتها على ورق الخس**
وكان محمد يأكل ويناظر نسرين**
امل تسولف مع نفسها معقوله كل يوم كذا ياحري لوتشوفين سفرتي صحن حديد وصحون سلطه تسد النفس لا وماعندها خدامه مثلي ولا يجي فيصل الا واخلاقي واصله حدها)
فجأه فهد ولد نسرين كسر التحفه متعمد**
قامت نسرين ليه دودي الحين يصير بيتنا موحلو ليش كسرتها حبيبي يللا قول وعد ياماما ما اكسر شي مره ثانيه**
فهد ؛ وعد ما اكثر ثي**
حبيبي يللا تعال كل**
امل عيونها بتطلع من مكانها( وتكلم نفسها**
ياعيني قال حبيبي قال اقول هاتيه عندي وانا امعص أذنه الين يحرم يقرب من شي مره ثانيه)
انتهوا من الغدا وراحت نسرين مع محمد الغرفه**
وفي المغرب خرجوا يتمشون كانت غدير بكامل حجابها وكانت امل تحس بأن محمد فرحان بهالشي**
جلسوا في الحديقه وكانت نسرين تسولف عن الكتاب اللي كانت تقرأه وتقول قصص حلوه ومحمد منسجم معها**
وحتى امل دخلت جو معاهم … شدتها ثقافة نسرين وكيف انها تحاول تحلي الجلسه بأي طريقه..
وتذكرت امل كيف كانت كل طلعه تتشكى من العيال وامه واخواته وكانت تعتبر هالطلعات فضفضة مشاكل…
فجأه نسرين تقول لمحمد حبيبي افتح لي قارورة المويه قويه مره**
امل عيونها بتطلع من مكانها **وفي نفسهالمويه قويه يامغص بطني مغصاه اقول ماشفتيني وانا أشيل كنبات البيت والسجاد واطلعها السطح أنا وخدامتي ونغسلها الله من الدلع الماصخ**
وقامت تشوف أولادها وفي الطريق تفكر والله نسرين ماهي حلوه بالحيل مدري اخوي ليش طاير فيها..
ومن بعيد كانت تناظرهم وتشوفهم يسولفون ويضحكون حست بأنهم مثل العرسان وقالت في نفسها نسرين بالها طويل مره وانا حاره وما اتحمل شي هذا طبعي مستحيل يتغير**
&&&&**
**
ردت عليه وانت بعد وحشتني متى تجي وتفكني من عيالك جننوني**
فجأه نسرين دقت الباب**
ميمي اذا مافيك نوم تعالي اسهري معي أنا ومودي..
سهرت امل معهم وفجأه تركتهم نسرين**
وآمل متعجبه وين نسرين غريبه تاركه محمد**
والاغرب محمد ماناداها**
ماتحملت راحت المطبخ تاخذ مويه وشافت المجلس منور ماتحملت قربت بحذر سمعت صوت ندي قربت اكثر لقيت نسرين تصلي وتقرأ بصوت عذب ..
أمل : ياحليلها تقوم الليل يا الله ما احلى صوتها فجأه حست بمحمد جاي للمجلس تخبت ورا الباب الفاصل**
كانت نسرين جالسه تستغفر وتسبح دخل محمد وسلم **على راسها وجلس جنبها وقالها**
الله يسعدك اذا شفتك تصلين آخر الليل يزيد حبك**
ضحكت نسرين: لأني ادعيلك ياحلو غصب تحبني**
خرجت امل وراحت غرفتها وهي مشدوده للي حصل ..
بدأت شخصية نسرين تجذب أمل حست بحب لها وما تعجبت من حب أخوها**
في اليوم الثاني**
نسرين لابسه جلابيه لونها رمادي ناعمه وفخمه ومكياج وردي خفيف جداً
جهزت القهوه وحطتها لمحمد واستأذنت من أمل انها بتزور أم يوسف جارتهم امرأه كبيره في السن وتعيش لوحدها في الملحق..
أمل : وش عندها نسرين تزور العجوزه**
محمد باعجاب : نسرين تحب تزورها لانها وحيده وام يوسف تفرح بجيتها … تصدقين أمول كل اهل الحاره يحبون نسرين هي تحب المواصله خاصه الكبار والناس البسيطين
امل ساكته وتفكر:**
يا الله متى آخر مره زرت خالتي ام فيصل صار لي شهرين ماشفتها وكل ماكلمني فيصل أقوله أنا ما أحب العجايز ما اعرف أسولف معهم لا واذا رحت كأنه قارصتني عقرب عيني على الساعه**
حست امل بإنها صغيره وزاد اعجابها بنسرين..
وفي الليل بعد العشاء**
كان محمد معزوم عند أصحابه … لاحظت امل انه نسرين ارسلت ولد جيرانهم وجاب لها **تورته صغيره وعصير ..
استأذنت امل وراحت غرفتها لانها حست انه **نسرين مشغوله**
دانه كانت تبكي عطشانه تبكي تبغى مويه**
أمل فتحت الباب بهدوء وخجلانه لانها نسيت تاخذ معها مويه لكنها تسمرت عند الباب منفاجأه من اللي شافته …
كانت نسرين رايحه الغرفه وشايله معها الكيك والعصير**
كانت لابسه فستان أحمر دانتيل ماسك عالجسم ويصف تفاصيل جسمها وشعرها كيرلي ومرفوع بطريقه عشوائيه وصندل كعب كله فصوص …
**وريحة الفواحه منتشره بشكل يسحر والأروع شكلها وترتيبها رغم انها مو حلوه كثير لكن شكلها كان مغري جداً…
رجعت أمل وهي معجبه بشكل نسرين ومستغربه وش عندها لابسه ومتكشخه لايكون بس عشان محمد والله متعبه عمرها..
وبعد دخول محمد انتظرت امل شوي لما تحس انهم في غرفتهم عشان تاخذ مويه..
خرجت وكان باب الغرفه مقفل بس لاحظت ان الاضاءه خافته… ضحكت : حليلهم شكلهم داخلين جو ..
وهي خارجه من المطبخ سمعت صوت ضحك نسرين وكانت تتكلم وتضحك بغنج ضحك متواصل حست امل جسمها يعرق بسرعه راحت غرفتها وهي تفكر وش هالجرأه والله كأنها من بنات الهوى الله لايبلانا بس..
حاولت تنام بس ماقدرت كانت تفكر في اللي حصل**
وفجأه تذكرت فيصل لمن قالها مره ودي تكسرين هالخجل أنا زوجك ترى بيجي يوم وانحرف**
تذكرت كيف اذا كانوا في الفراش هو يتكلم ويتكلم وهي مثل الجدار لدرجة انه يسألها دايماً شكلك نمتي.. كانت هالكلمه ترفع ضغطها..**
ماجاها نوم من كثر التفكير كأنها بدأت تحس بالنقص..**
قطع تفكيرها صوت الجوال**
نسرين**
اذا كنتي صاحيه تعالي اسهري معنا**
خرجت وجلست معهم كان محمد فرحان ويضحك وينكت بطريقه عجيبه كان باين عليه انه مبسوط**
تذكرت منظر فيصل اول ماينتهي من الفراش ينام وهو معطيها ظهره وكانه يقولها انه ماحس بالسعاده لا لا اصلاً هو قالها اكثر من مره ودي تبسطيني الليله وانا كنت أظن أني اذا سلمته نفسي أني سويت إنجاز …
كانت تفكر كيف قدرت نسرين تصير كذا كيف تعلمت ياربي ودي اسألها بس أخاف تضحك علي …**
محمد : ياهوه إحنا هنا**
نسرين: أكيد تفكر بفيصل
امل : بحرج لا عادي مافيني شي**
كملوا السهره وبعدين راحت أمل لغرفتها وقفت شوي قدام المرايه تناظر لنفسها أنا حلوه بس**
سكت وماقدرت تتكلم طالعت في جسمها المليان كرشتها متر لقدام وشعرها مايستشور الا في المناسبات وقارنت بين نفسها وبين نسرين حست بخيبة وقالت مافي مجال للمقارنه …
اصلاً عمري ماحسيت أني حاجه حلوه بالنسبه لفيصل وتذكرت كم مره لمن يشوفها تصارخ على الأولاد **يقولها**
خلاص يابو الشباب هدي أعصابك …
ونزلت دمعتها وهي تتذكر لمن حاول يخطب قبل سنه ولولا امه رفضت وحلفت عليه كان تزوج عليها …**
بكت بحراره وحاولت تهرب للنوم.
**
شعور مؤلم ان تشعر المرأه انها أنثى بالاسم فقط…
على الغدا**
نسرين: مودي العصر أبغى أزور جارتنا اللي **في العماره اللي جنبنا ام خالد تعرفهم مسكينه مسويه عمليه**
محمد: لا**
نسرين : ليه حبيبي زارتني لمن ولدت وجابت هديه ودوم تسأل عني**
محمد: زوجها مايصلي معنا وله حركات مريبه**
نسرين: ياعمري وش ذنبها هي بنت حلال وانا ماراح اروح لوحدي الجارات معي**
محمد ؛ خير ان شاء الله**
في العصر صحي محمد ومالقي نسرين سأل أمل…
محمد : ام عبد العزيز وين نسرين**
امل: راحت لجارتها**
محمد:ومين سمحلها تروح**
امل: بصوت عالي **عجيب انت قلت روحي
محمد : أنا قلت خير ان شاءالله وماقلت روحي
امل : اقول ياحبكم للمشاكل يالرجال خلاص موضوع وانتهى بلا عبط**
محمد متنرفز: أعطاها نظره سكتها**
جت نسرين وتفاجأت من شكل محمد
نسرين : مساء الخير**
محمد: اهلا وسهلا حيا الله الشيخه لا حسيب ولا رقيب**
نسرين : خير مودي عسى ماشر**
محمد: انتي من سمحلك تروحين انتي ماتستحين على وجهك مالك رجال يحكمك**
أنا طرطور في البيت**
نسرين : أنا**
محمد : ولا كلمه لا اسمع صوتك
الشرهه ماهي عليك علي أنا اللي تاركك على هواك من اليوم ورايح مافي طلعات مفهوم**
نسرين : ابشر مايصير خاطرك الا طيب**
محمد يخرج لا تنتظروني على العشا
امل: والله انك خبله كيف تخلينه يطول لسانه عليك والله ماعندك سالفه والله لو فيصل يقولي كذا كان ارميه من الشباك
نسرين: بضحك لا حرام الرجال لمن يعصب مايفكر زين وكله نص ساعه ويجي ندمان وحزين على انه زعلك حتى لو ماتكلم في داخله يكون نادم**
امل **تحرك بوزها ماعجبها الكلام وتقول في نفسها ياحليلك ….
في اليل رجع محمد وهم في الصاله يشربون شاي**
محمد السلام عليكم**
الكل وعليكم السلام**
محمد: تعشيتوا**
امل : الحمد لله**
محمد يطالع في نسرين شبعتوا بابتسامه**
نسرين : تبتسم الحمد لله**
وصار محمد ينكت ويضحك ويحاول يضحك نسرين**
وآمل بتجنن وتقول في نفسها ياليتك تعطيني **قلبك الوسيع ولسانك الحلو …………
**
انتهت المده وآمل تجهز اغراضها ومحمد ينتظرها
**نسرين تودعها مع السلامه ياحبيبتي والله باشتاقلك**
امل الله يسلمك وفي نفسها اقول ياحلوك بس ياحظ اخوي فيك….**
كانت كلمات أمها موجعه وقاسيه وحسستها بانها ولا شي …
وجلست تفكر وتفكر في كل الأخطاء وتذكرت كلام فيصل في آخر مكالمه
لوتشوفين المزاين كيف يطاردوني**
ردت عليه من زينك يمكن مفجوعين منك هههههههه
رد عليها طيب بجيب معي وحده واخليك تسألينها وش رأيها فيني….
اه ياويلي أنا غبيه أنا اغبى حرمه في الدنيا وبكيت بقهر ياويلك يافيصل لو تتزوج والله لأموت وبكيت بحراره ونامت…
صحيت من النوم وكانت طول اليوم سرحانه الأفكار تأخذها يمين ويسار
وجلست تقرأ في المنتديات ولأول مره تدخل على مواضيع تهتم بالزوج والتغير بعد ماكانت تقرأ في الطبخ والسوالف التافهه….
وجلست تتذكر نسرين كانت تهتم بلبسها كثير وتدلع نفسها حتى كاسة الحليب ملونه بقلوب وشكلها غير**
سجادتها مميزه ومعطره ومعاها سبحه ماتفارق يدها وكمان لونها حلو**
مهتمه بثقافتها تقرأ في الكتب وتجلس على النت وتشارك في المنتديات … والاهم متعلقه بالله في الصلاه وتقرأ ورد يومي وتحاول تحفظ شي من القرآن….
وبدأت أمل تخط للت&
باقي على وصول فيصل شهرين بأبدأ في الريجيم وامشي ساعه في الحوش كل يوم**
وبحاول اكون جريئه في الفراش وبعود نفسي أتكلم بصوت واطي وبدلع بشتري ملابس جديده واقص شعري**
اف ياربي يمديني اسوي كل هذا …
**كيد يمديني أنا حلوه وماناقصني شي**
وبدأت في الريجيم وكانت حازمه مع نفسها**
وكانت تفرح لما تشوف وزنها ينزل**
والاحلى ان أمها كانت تشجعها وبدأت تستخدم خلطات للوجه والبشره**
وبعد شهر وثلاث اسابيع وصلت لوزن حلو وان كانت تتمنى تنزل اكثر**
بانت ملامحها اكثر وبدأت تحب شكلها ونفسها
طلبت من نسرين تروح معها السوق وطبعاً نسرين كانت مبدعه في ملابس البيت**
اشترت بناطيل جنز باشكال حلوه وبرموده
وتي شيرتات بألوان مغريه وفساتين قصيره**
واكسسوارات خفيفه للبيت تخلصت من ذوقها القديم في قمصان النوم **واشترت قمصان جريئه جداً كانت خايفه ماتلبسها بس النار اللي في قلبها خلتها تشتري….**
كانت تقضي وهي مبسوطه مرره لنفسها فعلاً بدأت تحب نفسها**
شعرها طويل مره وماحبت تقصره بس قصته مدرج بطوله وصبغته اشقر رمادي وطلع شكلها خرافي
أول ماشافتها أمها اتفاجأت من شكلها وماحست الا وهي تقول كلوش**
ضحكت امل وقالت لامها والله حسيت أني عروس يمه**
الام : ايوه كذا وين هالزين من زمان
باقي يومين على وصول فيصل**
امل تلبس الملابس وترقص في الغرفه لوحدها**
وتحاول تقلد حركات نسرين**
لبست برمودا جنز وبدي فوشي وتمشي وتحرك مؤخرتها بدلع وتنزل ترفع المنديل من الأرض وتميل نفسها بقوه وتقوم بدلع وتضحك على نفسها**
توقف قدام المرايه وتقول كلمة مابغى وتطلع شفايفها على برا وتضحك**
تغمز بعينها للمرايه وتصيح ياحلو انت**
تكلم نفسها في المرايه وتلعب بخصلات شعرها : اخخخ والله أهبل**
وكانت كل يوم تسوي حركات قدام المرايه وتضحك بفرحه لتغيرها وتذكر حركاتها زمان**
اليوم بيوصل فيصل الساعه ثمانيه…..
**
راحت هي والخدامه من الصبح رتبوا البيت ونفضوه غيرت المفرش بلون احمر وزعت شموع بأشكال حلوه ونثرت ورد طبيعي على السرير حست فعلاً انها عروس اشترت فواحه وحطتها عند مدخل غرفة النوم..**
وطلبت عشا من برا**
وراحت تجهز نفسها…..
شكرا يا قمر
بسم الله الرحمن الرحيم
السلام عليكم ورحمة الله وبركاته
مجموعة من القصص القصيرة الطريفة الرائعة
قسمة أعرابي
قدم أعـرابي من أهل البـادية على رجـل من أهل الحـضر ، وكان عنـده دجـاج كثـير وله امـرأه وابـنـان و ابـنتـان
فـقال الأعرابي لزوجـته: اشـوي لي دجـاجة وقـدميها لنا نـتـغـدى بهـا.ـ
فـلمـا حضر الغـداء جلسـنا جمـيـعا ، أنا وامـرأتي وابـناي و ابنـتاي و الأعرابي ، فـدفـعـنا إليـه الدجاجة ، فـقـلنا له : اقـسـمـها بـيـنـنا، نـريـد بذلك أن نـضـحـك منه .ـ
قـال : لا أحـسـن القـسـمة ،فـإن رضـيـتم بـقـسـمتي قسـمت بـيـنكم .
قـلنا : فإنا نرضى بقـسمتك . ـ
فأخذ الدجاجة وقطع رأسها ثم ناولنيه ، وقال الرأس للرئيس ، ثم قطع الجناحين وقال : والجناحان للابنين ،ثم قطع الساقين فقال : الساقان للابنتين ، ثم قطع الزمكي وقال : العـجز للعجـوز ، ثم قال : الزور للزائر ، فأخذ الدجاجة بأسرها !ـ
فلما كان من الغـد قلت لامرأتي اشـوي لنا خمس دجاجات . فلما حضر الغـداء قلنا : أقـسم بيـنـنا .ـ
قال أضنكم غضـبتم من قسـمتي أمس .ـ
قلنا : لا ، لم نغـضب ، فاقـسم بيـننا .ـ
فـقال : شـفـعا أو وترا ؟
قـلنا : وترا .ـ
قـال : نعم . أنت و امرأتك ودجـاجة ثلاثة ، ورمى بدجـاجة ،
ثم قال : وابناك ودجاجة ثلاثة ، ورمى الثانية .ـ
ثم قال : وابـنتاك ودجاجة ثلاثة ، ورمى الثالثة .ـ
ثم قال وأنا ودجاجتان ثلاثة . فأخذ الدجاجتين ، فرآنا ونحن ننظر إلى دجاجتية ، فقال : ما تنظرون ، لعلكم كرهتم قسمتي ؟ الوتر ما تجيء إلا هكذا .ـ
قـلنا : فاقـسـمها شـفـعا .ـ
فـقبض الخمس الدجاجات إليه ثم قال : أنت وابناك ودجاجة أربعة ، ورمى إليـنا دجاجة .ـ
والعجوز وابنتاها ودجاجة أربعة ، ورمى إليهن بدجاجة .ـ
ثم قال : وأنا و ثلاث دجاجات أربعة ، وضم إليه ثلاث دجاجات . ـ
ثم رفع رأسه إلى السـماء وقال : الحـمد لله ، أنت فهًـمتها لي !
أبو دلامة
دخل أبو دلامة علىالمهدي وعنده اسماعيل بن علي و عيسى بن موسى والعباس بن محمد وجماعة من بني هاشم.ـ
فقال له المهـدي والله لئن لم تهـج واحـدا ممن في هذا البـيت لأقطـعن لسـانك فنظر إلى القوم وتحير في أمره ، وجعل ينظر إلى كل واحد فيغـمزه بأن عليه رضاه . ـ
قال أبو دلامة ، فازددت حـيرة ـ فما رأيت أسلم لي من أن أهجـو نفسـي.ـ
ألا أبلغ لــديــك أبو دلامــة
فلسـت من الكـرام ولاكرامة
جمعت دمامة وجمعت لؤما
كـذاك اللـؤم تـتـبـعـه الدمامه
إذا لبس العمامة قلت قـردا
وخـنـزيراَ إذا نزع العمــامة
الملك الحائر
كان أحـد المـلـوك القـدماء سـميـنا كثـير الشـحم واللحـم يـعـاني الأمرين من زيادة وزنه فجـمع الحـكمـاء لكي يجـدوا له حـلا لمـشـكلته ويخـفـفـوا عنه قلـيلا من شحمه ولحمه . لكن لم يستـطيـعوا أن يعـملوا للمـلك شيء.ـ
فجـاء رجـل عاقل لبـيـب متـطبـب .ـ
فـقـال له المـلـك عالجـني ولك الغـنى .ـ
قال : أصـلح الله المـلك أنا طبـيـب منـجم دعني حتى أنظـر الليـلة في طالعـك لأرى أي دواء يوافـقه .ـ
فلمـا أصـبـح قال : أيهـا المـلك الأمــان .ـ
فلـما أمنـه قال : رأيت طالعـك يـدل على أنه لم يـبق من عمـرك غـير شـهر واحـد فإن إخـترت عالجـتك وإن أردت التأكد من صدق كلامي فاحبـسـنـي عنـدك ، فإن كان لقولي حقـيـقة فـخل عني ، وإلا فاقـتص مني .ـ
فـحبـسه … ثم أحتـجب الملك عن الناس وخـلا وحـده مغـتمـا … فكلما انسلخ يوم إزداد همـا وغمـا حتى هزل وخف لحـمه ومضى لذلك ثمأن وعشرون يوما وأخرجه .. فقـال ماترى ؟
فقال المـتطـبـب : أعـز الله المـلـك أنا أهون على الله من أن أعلم الغـيب ، والله إني لا أعلم عمـري فكـيف أعلم عمـرك !! ولكن لم يكن عنـدي دواء إلا الغـم فلم أقدر أجلب إليك الغـم إلا بهـذه الحـيـلة فإن الغـم يذيب الشـحم .ـ
فأجازه الملك على ذلك وأحسـن إليه غاية الإحسان وذاق الملك حلاوة الفـرح بعـد مـرارة الغـم .
رجلا من أهلك
وقف رجل عند (الواثق بالله ) فقال : يا أمـير المؤمـنين ، صل رحمـك ، وارحم أقاربك ، وأكرم رجلا من أهـلك .ـ
قال من أنت ؟ فإني ما أعرفك قبل اليوم .ـ
قال : أنا ابن جـدك آدم .ـ
قال : ياغـلام أعـطه درهـما واحدا .ـ
قال : ياأمير المؤمنـين ما أصنع به ؟
قال : أرأيت لو قسـمـت بـيـت المـال على إخـوتـك من أولاد جدي آدم ، أكـان يـنوبك حـبة ؟
فقال : لله درك يا أمير المؤمنين ، ما أذكـاك ! فأمـر له بعـطاء وانصـرف
الحسود والبخيل
وقف حسـود وبخـيل بين يدي أحـد المـلوك ، فقال لهـما : تمنيا مني ما تريدان فإني سـأعطي الثاني ضعف ما يطلبه الأول . فصار أحدهما يقول للآخـر أنت أولا ، فتـشـاجرا طويلا ، و كان كل منهما يخشى أن يتمنى أولا ، لئـلا يصـيب الآخـر ضعف ما يصيبه . فقال الملك : إن لم تفعـلا ما آمركما قطعت رأسيكما . فقال الحسـود : يا مولاي إقلع إحـدى عيـنيَ!!!
رأس الحمار
كان في أحـد المـطـاعم قد علـق الزبون معـطـفه على الحـائط و ذهـب إلى الحـمـام ، وفي هـذه الأثـناء ، قـام صديقه ورسم على ظهر المعطف رأس حمـار ، ولما عاد صاحبه ورأى ما رآه . قـال : من مسـح وجهـه بمـعـطـفي ؟
مشكلة مستعصية
قال أحـد الشـباب لصـديقه : إني أعاني من مشكلة مستعـصية . فقال له الصـديق : وما هي ؟ فقال له الشاب : ما من مـرة أبـدي إعجـابي بإحـدى الفتـيات طلـبا للزواج منها إلا وترفضها أمي . فقـال له الصديق : بسيطة إني أرى أن تختار فتاة تشبه أمك في المظهر و الجوهر و بذلك تضع حدا لمشكلتك ، وبعد مدة أخبر الشاب صديقه بأنه وجدها . فقال له الصديق : حسنا فعلت . فقال الشاب عندئذ : ولكن هذه المرة لم ترفضها أمي ، بل رفضها أبي
ذكاء القاضي
روي أن عـضد الدولة بعث القاضي أبا بكر الباقلاني في رسالة إلى ملك الروم ، فلما وصل إلى مدينته عرف ملك الروم خبره ومكانته من العلم ، ففكر الملك في أمره وعلم أنه إذا دخل عليه لن يعمل كما يعمل رعيته بأن يدخلوا على الملك وهم ركوع بين يدي الملك .ـ
ففكر بأن يوضع أمام الملك باب صـغير لا يمكن لأي شخص أن يدخل منه الا إذا كان راكـعا ليدخل القاضي منه راكعا أمام الملك .ـ
فلما وصل القاضي إلى عند الملك ورأى الباب الصغير فطن بهذه الحيلة .ـ
عندها أدار القاضي ظهره للباب وحنى ظهره ودخل من الباب وهو يمشي إلى خلفه ، وقد أسـتقبل الملك بدبره حتى صار بين يديه ثم رفع رأسـه وأدار وجـهه حيـنئذ للملك ، فعـلم الملك من فطـنـته وهابه
الطبيب والكحل
شكا رجل إلى طبيب وجع في بطنه فقال : ما الذي أكلت ؟
قال : أكلت رغيفا محترقا .ـ
فدعا الطبيب بكحل ليكحل المريض ، فقال المريض : ـ
إنما أشتكي وجع في بطني لا في عيـني .ـ
قال الطبيب : قد عرفت ، ولكن أكحلك لتبصر المحترق ، فلا تأكله .
الله يعطيكي الف عافية
لا تحرمينا من مواضيعك الحلوة
تسلم ايديكي يا عسل
اتقبلي مروري
