الوسم: الفراق

فهى الحظه الحاسمه

التى تحسم كل شيئ

فهى القلم الذى يخط

ليسطرلنا نهاية الطريق

شيئنا ام ابينا

فرغما عن الكل هى النهايه لكل حكايه

بدات دون ان يرضا عنها الزمن

اعتقدنا اننا نستطيع ان نجبر الزمن

علي ان يفعل لنا ما نشاء

و لكننا وقعنا في فخه

فخ الزمن الذي نصبه لكل من يجبره علي شيئ

لكي يقع فيه فالزمن بجبروته يظل هو الاقوي والاكثر قسوه

وهنا تستسلم جميع الحواس ولا تظل غير الدموع والاشواق والاشجان

ويبقي اخر لقاء بيننا هو القاء الذي لا نتذكر سواه

لا تتذكر سوي دموع الفراق

فها هي جاءت لحظة الفراق

لنقول الوداع ولكن

لا

لا نستطيع فعل ذلك لانه صعب

فلنرحل دون وداع يمكن يحن علينا الزمن

الشوق جمح بخاطري وين ماكنت….. وسل حباله بقلبي وتمدت

سلمت وقلت لنور عيني سلامات = وش غيًرك ويش السبب ما تبينا

دنق وقال ارجوك إنه العلاقات = شيٍ حصل ماعاد هو في يدينا

قلت السبب قال الليالي غريبات = إنه العلاقه واعتبرنا انتهينا

انا بحبل انسان ماهي دعايات = ارجوك ابعد خايف انًه يجينا

طالعت فيه وهلت العين عبرات = في ساعةٍ غصبٍ علينا بكينا

حاولت اعبر عن همومٍ خفيات = بس الحكي شيفيد مهما حكينا

كتمتهن بالجوف لوهن قويات = راضي على ماصار لو مارضينا

وآخر كلامه قال لي كم كلمات = لاتسيء ضنك في غصبٍ علينا

ولف العباه وراح وانا بحسرات = فرقاًجرت من غير ذنبٍ جنينا

وقفت اخايل غض الأنهاد لحظات = فيهن تهدم كل شيٍ بنينا

وقمت اتذكر كل شيٍ لنا فات = قبل ايتغير بالمحبه حدينا

ياما سهرنا بأظلم الليل ساعات = وياما طلع نور الفجر مادرينا

وياما لنا فوق المراقيب ذكرات = وعلى جبال الزور ياما رقينا

وياما تحملنا الصعوبات مرات = وياما على سود الليالي شكينا

على زمانٍ فات جريت ونات = لو هن على ضلعان مكه تلينا

اقرا الموادع بالقصص والروايات = لاشك ماضنيت بيصير فينا

وارجع واكرر كلمةٍ لي بسكات = ياليتنا عقب البطا ماالتقينا

الــــــــــــــــــجزء الثــــــــــــــــــاني

تكررت عقب البطا والتقينا = من عقب مامرن سنينٍ طويلات

في صدفةٍ فيها حشا مادرينا = ولاهقينا نلتقي عقب مافات

لاشك جابتها الليالي وجينا = رغم الفراق ورغم ذيك المسافات

في موقٍف بان التوتر علينا = لحظه تلين إبها القلوب القويات

قالت شلونك قلت ربك عوينا = الحمد لله عاضني عقب لوعات

الله رزقني في هنوفٍ تبينا = احيت خفوقٍ كان بعداد الأموات

هي نور عيني فرحتي والضنينا = ألقابها عن ظيقة الصدر سجات

قالت سليت وقلت عقبك سلينا = لكن عقب مالاعنا الحب مرات

قالت شلون وقلت لاتسألينا = مافات فات ولا تفيد الحسوفات

قالت تكلم قلت مهما حكينا = الدمع ماينفع عزيزٍاليامات

قالت نسيت وقلت لامانسينا = لكن قنعنا والقناعه من الذات

قالت أروح وقلت وش في يدينا = روحي عسى في كل خطوه سلامات

بصبر على فرقاك مهما حيينا = ولا تشوه صادق الحب زلات

قالت على ماكنت دنيا ودينا = تكرم ونكرم عن دروبٍ رديات

قلت اسمحيلي قبل لاترحلينا = يم الديار اللي علينا بعيدات

تراي ذخرٍ لاحدتك السنينا = اجيك مهما واجهتني صعوبات

من اليوم اخوك وغيرها ما بغينا = كلي فداك ان صار بالوقت ميلات

وتبسمت بإعجاب مدري حنينا = وتهشمت قدام عيني بعبرات

قالت فمان الله قلت انتهينا = واقفت تكلم نفسها بس بسكات

وقفت تقديرٍ لها ثم مشينا = دربٍ مشوه اهل القلوب العفيفات

انتم اقروها وعطوني رايكم …

خطاوينا

لا خطاوينا وراها لقى
وإن تلاقينا نتلاقى بشقى
ولازم واحد فينا يضحي
يقسى وينسى الذكرى ويمحي
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي

يا إنت يا أنا
من هو الي فينا بيبتدي
خل نفتعل الفراق
ونجرح الأشواق
دام الحزن واحد
أدري ترد تشتاق ومثلك أنا بأشتاق
بس لازم نعاند
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي

لا لا تخاف حاول حبيبي
حاول حبيبي ولا تخاف
لا لا تخاف قر حبيبي
قر حبيبي ولا تخاف
ما بقى بحبنا بعد شيّ عليه ينخاف
خل الحزن مرة يبدي ولو مرة
بإختياري وبإختيارك
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي