الوسم: الله!!!

مدت البرنامج شهر والبرنامج يبدا من سابع يوم من الدوره ولو كتب الله لك حامل ماراح تشوفين الدوره بالشهر الثاني انشاء الله

هذا الكلام موجه للنساء وازواجهم الي مايشكون من امراض وممكن تستخدمينه بعد ماتعالجين انتي او زوجك من المرض الي تعانينه سواء ارتفاع الهرمون او السكر او الضغط او التكيس او الالتهاب او الاورام اليفيه وغيرها من امراض النساء والرجال مثل الدوالي او الضعف الجنسي او الالتهابات وغيرها من امراض الرجال

في نساء وازواجهم سليمين ميه بالميه بس مايصير معهم حمل تدرون ليش لانهم يستخدمون اكثر من طريقه فاشله في فترة الاخصاب وهم مو دارين مثلا كثرة الجماع يحسبون الحمال يجي من كثرة الجماع وهذا خطاء لان الحمال يجي من حيوان منوي واحد فقط سبحان الله وفي كثرة الجماع اضعاف للاخصاب وللحيوانات المنويه فيجيها ثاني يوم بس الي ينزل منه سائل منوي بدون حيوانات ليش لانه استهلكهم لما نزل مرتين وثلاث وفي وقت الاستهلاك تكون البويضه توها نازله فماتلاقي حيوانات قويه للوصول لها فهمتو الحين؟ وبعد في عادة شرب الشاهي والقهوه والاشياء الساخنه وقت الاخصاب وبعد الاخصاب ووقت قرب نزول الدوره لان الاشياء الساخنه تنزل الدم وتسبب اجهاض مبكر قبل ماتعرفين انك حامل والحين تابعو معي البرنامج وباذن الله ينكتب لكم حمل اذا استمريتو عليه خطوه خطوه

خطوات البرنامج :

1- تتاكدين انتي وزوجك انكم سليمين ومافيكم اي عله مثل (امراض الجهاز التناسلي للذكر والانثى الخلقيه او الفيروسات البكتيريه ) وهذا التاكيد يكون قبل ماتبدين البرنامج يعني قبل ماتجيك الدوره
الي سابقه للبرنامج

2- علشان تتاكدين ان مافيك اي فايروس او ميكروب او التهاب تروحين تشترين تحاميل من الصيدليه حق التنظيف والتطهير مثل تحاميل (بيتادين) تستخدمينهم بعد الدوره لمدة ثلاث ايام بالليل قبل النوم ووظيفة هذي التحاميل انها تطهر وتنشف وتضيق وهي طبيه وصحيه ومامنها اي اضرار تستخدمينها بعد الدوره مباشره حتى تنظف الرحم من الافرازات والبكتيريا وتعقمه ويكون مستعد لاستقبال الحيوان المنوي وتكون البويضه مرتاحه وهي تنزل من المبيض بدون ماتمر في اعاقات من الافرازات والالتهابات وغيرها

معلومه مهمه في الاسبوع الي بعد الدوره مباشره استمري انتي وزوجك على شرب مغلي اليانسون كوب واحد باليوم لانه يقوي الاخصاب بس في الاسبوع الي بعد الدوره وتوقفين اذا جى اليوم الرابع عشر كل شي ساخن او اعشاب او غيره

3- توقفين شرب كل من ( الشاي القهوه الاعشاب البيبسي والمشروبات الغازيه ) لان الكافين
يضعف الاخصاب عندك ويقل هرمون الاستروجين ضروري تكونين موقفتهم من قبل ماتنزل عليك الدوره حقت البرنامج وتستمرين موقفتهم لين مايحدث حمل انشاء الله وان حدث حمل ماتشربينهم بتاااااتااا لانهم سبب رئيسي في الاجهاض المبكر حتى ان البويضه بعد ماتتخصب وانتي تشربين الكافين ممكن تموت وتطيح وانتي مو داريه انك حامل

4- بعد ماتنظفين رحمك تحسبين من اول يوم جتك فيه الدوره لين اليوم( 14 )وتسويه على هذا اليوم تذكير عندك علشان في هذا اليوم تنزل البويضه باذن الله ولازم يكون في هذا اليوم جماع (الجماع مره وحده فقط مو اكثر من مره ويكون الايلاج للعضو الذكري عميق وتكون الوضعيه على الظهر ماتتغير ويكون الجماع وقت النوم ليلا) وتنتظرين بعد الجماع نايمه على ظهرك ورافعه منطقة الارداف في مخده لمدة ساعه ماتتحركين بس نايمه ومرتاحه وبعد ساعه تقومين بشويش تغسلين وتردين تنامين كل الليل وتصحين في اليوم الثاني لازم يكون الجماع في وقت نومك علشان تنامين بعده
معلومه مهمه ( لازم قبل اليوم (14 ) بيومين مايحدث جماع ويكون الزوج ماحصل له ونزل) لمدت يومين علشان تكون الحيوانات المنويه مكتملة العدد ونشيطه وهذا اهم شي في البرنامج ان الزوج قبل اليوم الرابع عشر بيومين تقريبا ماينزل ولا مره ابدا ويحفظ ماء
الحياه لليوم المهم الي يحدث فيه اخصاب

5- الجماع يكون في هذي الايام فقط وهي ( 14- 16-18-20 )وغير هالايام ممنوع جماع وممنوع الزوج ينزل مثل ماقلت سابقا علشان تكتمل الحيوانات المنويه

6- بعد اتمام ايام الجماع اي بعد اليوم العشرين يتم ايقاف الجماع فورااا حتى ياتي وقت الدوره الثاني واذا تاخرت الادوره حللي وانشاء الله النتيجه حامل

لماذا يتم ايقاف الجماع بعد اليوم العشرين وحتى يتبين الحمل؟ لان ايلاج العضو الذكري قد يدمر البويضه وتسقط وايضا وهذا الاهم لان السائل المنوي يحتوي على ماده تسبب انقباضات للرحم وهذا غير مرغوب وايضا وهذا التنبيه مهم لكي ياختي ابتعدي عن النشوه الجنسيه والوصول للذروه لانها تولد انقباضات على الرحم وافرازات من المهبل تضر الاخصاب

7- والمهم والضروري في البرنامج اولا ابتعدي عن شرب او اكل كل شي ساخن مثال الشوربه الساخنه الشاي والقهوه وشاي الاعشاب كلللللل شي ساخن ابتعدي عنه
وابتعدي ايضا واهم شي عن الاستحمام بالماء الساخن لان الماء الساخن او المشروب الساخن يرفع حرارة الجسم ويولد دفئ على الرحم فتموت الاجنه لاسمح الله
استحمي بالماء البارد نسبيا مو حيل لكن يميل للبروده ولا تخلي الماء يسكب على الظهر من الخلف ولكن حاولي قد ماتقدري تبعدين انه ماينزل مباشره على ظهرك وخليكي على المشروبات البارده مثل العصائر الطبيعيه والبن الرائب والحليب البارد والماء البارد وغيرها وابتعدي عن الاكلات الحريفه المليئه بالفلفل خليكي على اكل الغذاءالطبيعي لمدت شهر واحد فقط وانشاء الله تشوفي الحمال باذنه

8- عند قرب موعد الدوره لاتطلعي وتتمشي وتفري الاسواق وتتعبي نفسك لان الاجهاد ينزل الدوره خليكي مرتاح على ظهرك اكثر شي ولا تشيلي شي ثقيل وانتظري الحمال باذن الله

جربي هذا البرنامج لمدة شهر واحد وانشاء الله بيرزقك بالذريه الصالحه

والحين ابي منكم تبدون البرنامج من الدوره القادمه والي دورتها قريبه او توها جت اتمنى تمشي على هالبرنامج بعد ماتغسل منها وابي البشاره منكم بعد شهر يارب كلكم حاملات بعد شهر وابي دعواتكم لي بالتوفيق في الدنيا والاخره

انتظر ردودكم

ولاتنسوا اكثرو من الاستغفار

بس شرررب الزيت وعععععععععععععععععععععع