الوسم: المئه

وكم من المده مضت على زواجها ؟؟

وماهو العامل الرئسي للنجاح او الفشل بوجه نظركـ؟؟

سأبدأ أنا 🙂

أقيم نسبه نجاحي بزواجي ب80% ومضى على زواجي سبعه شهور

وأسعى جاهده بالايام المقبله لتصل نسبه نجاحي الى 100%

ومن وجه نظري العامل الرئيسي للنجاح بالعلاقه الزوجيه أن تكون مبنيه على تقوى الله((يعني ان تكون في عباده مشتركه بين الزوجين))
وان يكون التفاهم والحوار ملازم للزوجين

اقتباس:

المشاركة الأصلية كتبت بواسطة pink_angel انا عجبني طرحك لهالموضوع كتير … لاني بهاللحظة عم بسال حالي نفس السؤال و انا عم ابكي الي متزوجة شهرين و 18 يوم و بعرف زوجي من 6 سنين و انا شخصيتي قوية بس حاليا شخصيتو قدامو مهزوزة و انا بغربة بعيدة عن اهلي حاسة حالي ما بعرفو ابدا و مع هيك بحكي نسبة نجاح زواجنا 80% كمان مع انو بيزعلني اغلبي الوقت و بيرجع على طوول بيراضيني بس انا ما بدي نتم نزعل على اتفه الاشياء و ما بدي يتم يعصب و يخانق بدون سبب وجيه و يتهمني بالتقصير بكل شي بعملو … اسفة ازا طولت عليكم كنت ناوية اكتب موضوع بهالخصوص … و اتمنى انو ما يكون في ازعاج الك اختي ورد الفل لاني اقحمت موضوعي ضمن موضوعك .. ارجو انكم تنصحوني

حبيبتي pink_angel هدي بالك عادي جدا جدا هاي النفسيه الي بتمري فيها مشكلتك حبيبتي نفس مشكلتي بالزبط صدقي وانا بقرأ كأنك تكتبي عني لانو زعلنا على اتفه الاسباب وباستمرار وحالتي النفسيه دمااار وبكاء و….الخ
طبعا هاد قبل يعني لما كنت الي كم شهر متلك انا الان الي متزوجه سبع شهور صدقيني حبيتي مع المده تغير حالي كتير كتير يعني كنت قبل اقيم نسبه نجاحي الى50 % او أقل اما الان سارت 80%
طبعا بفضل الله ثم بفضلمساعده بعض الاخوات لي بهاد المنتدى الرائع

حبيبتي من وجه نظري ومن تجربتي الشخصيه وبما انو مشكلتك قريبه من مشكلتي أهم أشي بالحياه الزوجيه
اولا: الاحترام يعني الاحترام قبل الحب يعني فهمي زوجك واقنعي نفسك انو اهم اشي بين الزوجين الاحترام لانه لو انكسر الاحترام مستحيل برجع واذا راح الاحترام شو بضل؟؟
تانيا:إنك تحاوري زوجك وتخرجي الي بقلبك يعني ماضلك حامله اشي بقلبك مش عاجبك من زوجك وانتي منحرجه تحكيلو… هاد اكبر سبب للمشاكل بس طبعا بأسلوب رقيق وناعم ((يعني الحوار بأسلوب))
تالتا :وطبعا قبل كل هاد تقوى الله صدقيني لو انك تجتمعي كل يوم انت وزوجك على عباده لو كانت
صغيره وتحاسبوا بعض عليها رح يتغير حالك لاحسن بكتير