الجامعه واتجوزنا وخلفنا والشعر الابيض بدا يظهر
ودول يا ناس لسه مكبروش
هتعرفو بتكلم عن مين متستعجلوش
ما فيش علي اللسان غير
يجي بالحنان
ما ترديش عليه
خذيه عل قد عقله
ريحيه
قولي حاضر وخلاص
عامليه زي الطفل ..الراجل طفل كبير
طبطبطي عليه ..خليكي حنينه عليه
لازم اضحك ازاي مطلوب من الزوجه انها تعامل جوزها زي الطفل
ماشي تعالوا نتكلم بالتفصيل
هل جوزك بياخذ البرونه
الاجابه لا
هل جوزك يلبس البمبرز
الاجابه لا
هل جوزك لسه مطلع الاسنان اللبنيه
الاجابه لا (عنده اسنان متوحشه تاكل الظلط)
بالنسبه للحجم والوزن
الاجابه كرشه قدامه طول اليوم حاط ايديه عليه الظاهر خايف يقع منه
بالنسبه للطول
يملي العين
بالنسبه للقوه
يدخل في الحيط ويطلع من الناحيه التانيه
اتعلم أ ب ت
اه والله وعامل نفسه فيلسوف عصره واوانه
بيروح الحضانه حبيب مراته
لا بطل بقي يروح الشغل دلوقتي
لما هوه كده كيف اعامله علي انه طفل واوعي حد يقولي معنويا لانها تموت من الضحك يعني يبقي راجل طول بعرض ومعنويا اعامله انه طفل ده معنا انه ناقص الاهليه او مجنون او مريض بمرض عقلي في الحاله دي ماشي مفيش مانع اعامله انه رضيع كمان
و استكمالا لسلسله معاملتك كطفل والطفل عديم التميز
هل الزوج يتعاقب لما يغلط تقف وتحت وجهك في الحيط ولا كلمه ولا حركه
اخد منك الراتب وامنع عنك المصروف
يا اما تكون زوج مؤدب ماشي علي العجين
ابقي قولنا نحن الزوجات امتي هتكبر يا كوكو عشان افرح بيك وتشيل المسؤليه
لانه مفيش وسط
ياريت محدش يوجه
نصيحه لزوجه ويقول لها عامليه
زي الطفل لان ملامح الطفوله مش ظاهره عليه
وتلاقي الزوج اسنانه طلعت بره من السعاده بهذه
النصيحه الحقيقه انك مش طفل وانت عليك واجبات
ومسؤليات ماديه والاهم منها المعنويه يجب تقوم
بيها وتحاسب علي التقصيرفيها والا كنت خليك
طفل صغنون مع مامتك حبتك في بيت اهلك
ومحدش يقولي تدلعيه ما احنا مش طول النهار قاعدين ندلع اطفالنا
وللدلع حدود وان كان علي الدلع يبقي الست اولي بالدلع كله
اكيد الناس الي بتنصح هذه النصيحه والازواج الي
بيحبوا هذا الاسلوب
مش كلهم لكن النوع ده من الازواج يا تري عندهم
