أضحك مع الناس و أخفي هم قتلني *.*

اخفي دموعي بأبتسامه وكــــــــني *.*
كني سعيد بدنيتي بضحك ومـــــــــــزوح

وانا اللي فيني هم وحزنٍ سكـــــني *.*
لو سكن غيري من القهر بات مذبــــوح

اداري همومي وانسا منهو ظلمنـي *.*
لاشك بلقاها بوجهه وين مـــــــايــــروح

مشكلتي بهالدنيا محداً فهمنـــــــي*.*
وكل ماوفيت لشخص زادني جــــــروح

مشكلتي بها الدنيا زماني طعنــــي *.*
من احباب واصحاب كلن له ســــــروح

كلن تلذذ في عذابي وتركنـــــــي *.*
اعاني جروحه ولا فادني النــــــــــــــــوح

بكتم جروح الزمن لو حتى قتلني *.*
واقول اجرح يازمن تفضل ومسمــــــوح