بصراحه انا اللى سميته كده بعد النتيجه المذهله دى
زبادى + خميره + نشا + لبن بودره + لبن سائل او ماء للعجن + بيكنج بودر
دوبى الخميره فى اللبن السائل ثم ضيفى الزبادى وبعدين النشا ولبن البودره باى كميه تحبيها من اللى فات ماعدااااااا البيكنج بودر ايااااااكى تزودى عن حبه بطرف المعلقه الصغيره اوعى تحطى معلقه خالص نترات لانه هيحرق فى الوش
باقى الكميه احفظيها فى التلاجه وقلبيها كويس قبل الاستخدام
قلبى كويس وقبل ماتدهنى وشك تكونى منضفاه كويس جدا علشان يستقبل المكونات دى بكل الغذا اللى فيها
صابونه كلين اند كلير
مهم جدا سائل التنضيف من كلين ان كلير فيه منه انواع كتير هاتى اللى يناسب بشرتك وبلى القطنه وامسحى وشك بيه قبل الماسك هو فى الطبيعى السائل مش بيتشطف بس احنا هنشطفه علشان مايكونش حاجز بينه وبين الماسك
فى منه انواع كتير مش دا بس
هندهن الماسك على وشنا بالكامل وحوالين العين عادى جداااا ونسيبه لما ينشف خااااالص وبعدين نشطف وجهنا
وبعدين ندهن وشنا ب
كريم بانثينول للبشره رااااااااااااااااائع
وبعد خمس دقايق ندهن فوقه كريم مرطب جونسون اى نوع تفضليه
انا بعمل الموضوع بتاع الماسك والبانثينول والجونسون مرتين يوميا اول مابقوم من النوم وقبل ما بنام علطول بس بزود كميه الكريمين قبل مابنام علشان مابكونش متعرضه للهواء او تراب اثناء النوم زى الصبح بكون بعمل شغل البيت بكون حاطه الماسك وبعد مابينشف بخلص كل شغل البيت وبعدين بشطف وشى وبدهن الكريمات
بالنسبه لكريم لوريال بستخدمه فى النص يعنى ع الساعه 7 بالليل كده او فى اى وقت بين الميعادين بتوع الماسك
يا بناااااااااااااااات
بالنسبه للصابونه والسائل بلاش نكتر من استخدامهم الا اذا حسيتى ان وشك مترب قوى استخدمى الاتنين ورا بعض فى الاول بعد كده استخدمى السائل قبل الماسك فى المره الاولى بس بتاعه الصبح والصابونه والسائل قبل كريم لوريال لكل اللى هيستخدموه بالنسبه للهيستخدموا الماسك بس استعملى الصابونه مره كل يومين كده او كل ماتحسى وشك مش نضيف ومحتاج الاتنين عموما هى امنه للاستعمال اليومى والسائل مره يوميا بس هاتى اللى يناسب بشرتك فيه منه انواع كتير
منقول للامانة
