المطر إيش هو المطر غير دمع وإنتثر !!

المطر وشهو المطـر؟
غيـر دمـع وإنتثـر
أغرقتنـا هالسـحـاب
مـن فعايـل هالبشـر

ناس تتركنـا صحيـح
مالقـت فينـا مديـح
وناس تلعب بالقلـوب
والعـذر أكبـر قهـر

وناس تبكي بالجنـون
وناس تهوى ثم تخون
وناس تتعب ثم تموت
آه من ويـن الصبـر

وناس ماتظلـم أحـد
ونـاس ماتغلـط أبـد
وناس تتجاوز حـدود
وللنهـايـة يـاأمـر

آه ياعمـري الصغيـر
وين انا ووين المصير
وكل منـا فـي بـلاد
وفي مقامي احتضـر

هذي قصتهـا تحـب
وهذي قصتها عجـب
وهذي ميته في الجراح
غرّها صغـر العمـر

وهذا يمشي بكبريـاء
عاجبه فـن الريـاء
عاجبـه انـه وسيـم
ومافي قوله أي كسـر

وهذا يتعـب بالنهـار
وهذا حس بإنهيـار
لإنه يشـوف الغبـاء
عاطـفـة للمقـتـدر

وهذا ياعينـي عليـه
كـل زينـه ترتجيـه
وكل لحظة في حياتـه
يقتويـهـا بالصـبـر