بالظبط كده بنتى الكبيرة كانت هتروح منى والله وعشت دقايق مرعبه بعمرى كله
الموضوع ومافيه يابنات ان ماماتى ساكنه فى مكان لازم تركبى معديه علشان تروحى للمكان ده كالعاده اخدت بناتى
فى ايدى وروحتلها اصحاب المعديه نصارى بس زى العسل بنركب معاهم بقالنا قريب من العشرين سنه مثلا
عمرنا مازعلنا معاهم ولا زعلونا ولا اتخانقو معانا وغلطو ولاعاكسو بصراحه كلام اتحاسب عليه امام ربنا قمة الادب والاحترام
والزوق بصراحه المهم الشيفت بتاع النهار فى شاب ممتاز ومحترم مسيحى اللى حصل كنت مايكه بنتى فى ايدى وبنتى التانيه على كتفى ماسكه بنتى لسه بعديها علشان تركب قامت رجليها اتزحلقت فى النص بقى نصها فى الميه والنص التانى فى ايدى وانا بصرخ لو كنت سيبتها كانت لاقدر الله بنتى غرقت ااااااااااااااااااااااااه ياقلبى كنت بموووت والله وشايله بنتى التانيه على كتفى والناس شايفنى ولاحد فيهم اتحرك الولد المسيحى ده تخين قوى ياعينى لقيته وانا بصرخ
كده وهو تقيل نط زى الفراشه وجرى وشد منى البت لولا كده ربنا يستره كانت البت راحت منى وقعدت اعيط
والواد زعق للناس وقالهم الست بتصوت وانتم متفرجين كده ونبه عليا مرة تانيه لما اركب اناديله وهو يعدينى انا ولابنات
بشكرك من كل قلبى والله لو طلبت عينى اديهالك على موقفك الشهم ده واخلاقك العاليه بجد ربنا يحميك
موقف تانى بقى اختى منتقبه وكانت بتفك منهم فلوس وهى راكبه فى واحد شغال معاهم شد مع اختى علشان الفكه
وزعقلها اختى زعلت جدا واستنت اول لما شافت الشاب اللى انقذذ بنتى ده حكيتله وكانت مدايقه تخيلو الولد عمل ايه
مسك الولد قدامها مسح بكرامته الارض وقالها حقك على راسى والله مش تزعلى انتو اخواتى وحبايبى كلكم انتى واخواتك
والست الحاجه وكل مايشوف ماما يسلم عليها جامد ويقولها ادعيلى ياحاجه باضحك اه والله وماما تقوله روح يابنى ربنا يستر طريقك
وبس الحمد لله ان بنتى معايا ده بالدنيا والله وربنا يكرم الشاب ده
لو ينفع اذكر اسمه كنت ذكرته يلا ربنا يباركله بجد
وبس كده خلصت اللى عجبها تقيم حبيباتى علشان كل الناس تشوف وتسمع
الموضوع حقيقى وربنا سترها الحمد لله
و ربنا يهدي الراجل المسيحي ده للاسلام لانه اخلاقه اخلاق الاسلام
اذا حبيتي تجازيه ادعيله بالهداية
فعلا ما في أغلى من الإبن
الله يجزيه الخير و يهديه للإسلام
