بسم الله الرحمن الرحيم هذي روايتي الاولى
الشخصيات حقيقيه لكن الاحداث خياليه
لا احلل نشر الرواية دون ذكر اسمي عليها والموقع
اسماء
بسم الله وعلى بركة الله
نبداء بـــــــ
الشخصيات
أسماء:17 سنة شعرها طويل لأخر ضهرها له لمعة بنية ولا هي سمرا ولا بيضاء تميل للبياض أكثر شي شفايفها شوي مليانة عيونها تميل للبني العسلي وشوي وساع لا تكحلت صارت ذباحة لها شخصية قوية تعرف تدافع عن نفسها عليها مخ لا فكر دمر مدينة فيها شوية قصر
مريم:17 سنة هي واسماء صديقات طفولة وعايلاتهم دايم يطلعون مع بعض شعرها قصير لكتوفها اسود وناعم زااقحة بالطول شوي متوسطة البياض شفايفها شوي صغيرة عيونها وسااع لها غمازات واضحة لها شخصية قوية بس مو اقوى من أسماء
الجازي: 17سنة صديقة لأسماء ومريم سمرا وعيونها شقرا شعرها يوصل لأردافها خشمها سلة سيف شفايفها صغيرة قصيرة شوي مثل شخصية مريم
مويضي:19سنة شعرها بني قصير لكتوفها عيونها بنية وحلوة شفايفها ملياانه جسمها حلو فيها شوية سمار
عايشة :21سنة نحيفة شعرها لنص ظهرها لونه بني اشقر تصير اخت أسماء ومويضي الكبيره من عايلة متوسطة الحالة المادية عيونها حلوه وشفايفها مليانه
ريم: 19سنة شعرها اسود ناعم يوصل لرقبتها عيونها سوداء وواسعة شفايفها صغيرة شوي بشرتها كأنها حنطية وهي تصير اخت مريم الكبيرة
العائلات غنية عن التعريف
********
البارت الأول
الساعة 6:00
عايشه: اسمووة قوومي يالله تأخرنا على المدرسة
أسماء من ورا اللحاف:عائشة انقلعي
عايشة:هين انا اوريك
راحت عايشه شوي ورجعت ومعها ابوها
ابو أسماء:أسماء يالله قومي
أسماء من ورا اللحاف وهي معصبة وماتدري انه ابوها : انقلعي يا بنت الـكـلـب
ابوأسماء: لا انا الكلب نفسة
هنا أسماء على طول فزت وحبت راس ابوها
اسماء بربكة وخوف واحرااج: صبحك الله بالخير يالغالي
ابو اسماء وهو يستلكع: اجل انا كلب هااه؟؟!!
عايشه بعبط: خلك من هذي هذي تهوون انا تقول عني بنت الكلب!!
ابوها يناظرها بنص عين عايشه انخرعت
عايشه: ايههههههه امزح امزح
طلع ابوها وعايشه من الغرفة قامت اسماء غسلت وجهها وفرشت اسنانها وتوضت وصلت الفجر ودخلت تتروش طلعت ولبست ملابسها وتجهزت ونزلت تحت تفطر اسماء تناظر عايشه وتتوعدها
في المدرسة
اسماء: بنات والله طفش شرايكن نسوي اكشن اليوم ونهرب من حصة ابلا منيرة
مريم: والله فكرة!! يالله
الجازي : قداام
رن الطابور ولسى اسماء وشلتها ماصفن وكان في بنات غيرهم جتهن المديره وهي معصبه : هيه انتن
الجازي:خيير!!وبعدين لنا اسماء
المديره صفن طابور يالله !!
اسماء: في بنات غيرنا مو بس حنا والا عشانا بالمتوسط وهن بالثنوي
كانت المدرسة متوسط مع ثانوي
المديرة : اذا صفيتن بيصفن
مريم: اذا صفن نصف!!
راحت المديرة وهي معصبه طبعا هن لسا بالمتوسط على ان اعمارهن 17 سنه اتفقن يسقطن سنه ويأخرن سنة وكذا
في الطابور اسماء ومريم وقدامهم الجازي ويسولفن ويضحكن وكل شوي الاستاذة تسكت فيهن يسكتن شوي ثم يرجعن يسولفن
وجت المديرة وطاحت تهزيء فيهن وطنشنها
مويضي وريم بالكلية يسولفن ويضحكن ومرت مغرورة الكلية وطاحن تطنز فيها ولما لفت عليهن فقعن ضحك
ابتسام بعصبية:وش تضحكن علية؟؟!!
مويضي: الضحك مو بفلوس ولا هو حرااام يله ضفي وجهك، راحت وهي معصبة وتتوعد فيهن
كانت ابلا منيرة عليهم الحصة الاولى دسن شناطهن وتغيبن بالحماامات يسولفن وبعدها قالت السماء بتروح لدور الثانوي وهناك قابلت البويات المعجبات فيها
البويات: بويا عزوز ، بويا خلود،بويا عبود،بويا رشود اسماء هنا تفلت العافية قربت بويا عزوز والي هي معجبة بأسماء وحطت يدها ع شعر اسماء وخدها تتلمسها بحناان
بويا عزوز: انتي لي انا فاهمة؟؟
اسماء تقرفت وبعدت عنها
اسماء بقرف: لا تتجرئين انك تلمسيني مره ثانية لأن الي مثل اشكاك يجرثموني
بويا عزوز: لا ياقلبي لييه؟؟؟!!
اسماء: اقولك انقلعي!!
بويا عزووز تقرب خطوة من اسماء واسماء تبعد خطوتين لحد ما لزقت بالجدار
اسماء بربكة واضحة:اقولك وخري لا تقربين
وهي لا حياة لمن تنادي قربت منها بقوة وصارت تبوس برقبتها
اسماء: اقولك وخري احسن لك آآآآآآه وع وخري الله يقرفك اقرفتيني
بويا عزوز: اششش تراني داخل جو لا تخربينه علي
اسماء:آآآآآآآآآآآآآآآآآآآآآآآآ آآآآآآآآآآآآآآآآآآآهههه
خلصت من محاضرتها وراحت للكفتريا اخذت لها كوفي وجلست على احد كراسي الكليه وتقرا كتاب لعلم النفس حست عايشة ان في احد يراقبها التفتت بطرف عينها وشافت بنت متحمسة وتقرا معاها
عايشة:اقلب الصفحة والا باقي؟؟
البنت استحت شوي: اههههه لا بس شفتك متحمسة بالقراية وقلت بشوف وش تقرين وتحمست
عايشه: اهااه!!خوذية اقرية واذا خلصتي منه رجعيه
البنت: لالا مقدر كتابك
عايشه: لا انا قريته وخلصت تقدرين تاخذينه*طبعاً تكذب*
البنت: جد والله؟؟!!شكرا آه بالمناسبة انا رفيف عبدالله ال……….
عايشة: اهلين انا عايشه رديني ال………..
رفيف: تشرفنا
عايشة: الشرف لي
صرخت صرخة خلت البوية ترتجف صرخت صرخة خلتها تبعد صرختها خلت كل الي بالفصول يطلعون
المعلمة بعصبية: انـــجــــود
البوية خافت وقامت ترجف من الخوف
المعلمة:قدامي ع الادارة
كانت هالكلمة مخيفة بالنسبة لبوية عزوز بينما كانت بصيص امل بالنسبة لأسماء جن صديقاتها من قوة الصرخة خايفات عليها راحت اسماء وشلتها وبويا عزوز وشلتها
عند الادارة
المديرة كانت تهاوش وتهزء
المديرة: كلكن مفصولات اسبوع ولا اشوف ولا وحده منكن الا بعد اسبوع
مريم بصوت شوي عالي تبي تسمع المديرة: احسن
المديره: شقلتي؟؟
مريم: الي سمعتي
المديرة عصبت وخلتهن يطلعن
بويا عزوز: لعيونك كل شي يهون
اسماء طنشتها ولا عطتها وجه
راحن كل وحدة على فصله اسماء ومريم والجازي راحن لفصلهن ولقن عندهم ابلا بدريه
مريم:اووف وش تبي ذي مو وقتها؟؟
اسماء : أي والله
الجازي: اوووووف وهذي وقتها بعد؟؟
ابلا بدريه عصبت وطردتهن برا الفصل البنات استانسن
عدا اليوم على خير ورجع الكل لبيته ع الغدا
ابو اسماء: ترا عندنا عشا الاسبوع الجاي بس حنا وابو مريم وخوالكم وعمامكم
اسماء بوناسة: جد والله؟؟!!
ابو اسماء: لا عم ه ه ه ه
اسماء بعبط: لا تتطنز تراني مو قدك
ابوها: لييه انتي لبس عشان تصيرين قدي او لا؟؟
اسماء:اصلاً الغداء طعمة مراا حلو
الكل ماعدا اسماء:هههههههههههههههههههههههه هه
الخميس_يوم العزيمة
الكل موجود مريم وامها وابوها وخواتها واخوانها
والخوال والعمام
مويضي: بنات شرايكن نطلع بالشارع نتمشى شوي؟؟
مريم: والله فكرة يله
اسما:قدام
ريم:بس بناخذ الصغار معنا!!
اسماء: اووكي بس يله
لبسن عبيهن وراحن أسماء،مريم،ريم،عايشه،مويضي،ترك ي،مشاري،ساره
تركي:5سنين
مشاري:4سنين
ساره:3سنين
طبعاً يصيرون عيال اخو عايشه
وهن طالعات لقن بطريقهن صالح رجل اخت اسماء ومعه راكان
راكان:سنتين
ما لقن له بال
وتمشن وقعدن يسولفن وضحك وفله
كان في واحد ساد الطريق بسيارته
مويضي: لوسمحت وخر
رد الولد: لييش؟؟ خاقات؟؟
عايشه: نخق عليك انت؟؟!!ياخي وجهك كنه صدام كرسيدا مصدوم بابا لا تصدق نفسك طالع خشمك بالمرآيه كنه بوري تك تك
الولد استحى وراح وكملن تمشن ويضحكن على شكل الولد الي تو وطاحن فييه تعليقات
ابو اسماء:نايف!يانايف!
نايف: سم يبه
ابو اسماء: سم الله عدوك، رح جب القز من المستودع
نايف: ابشر!
نايف راح للمستودع وجاب القز وشبكه بأسطوانة الغاز وولعة وحط عليه الدلة ونسى البيز على الدلة
رجعن للبيت ولقنه محترق مريم ماتحملت واغمى عليها لمحت اسما من بعيد صالح رجل اختهن يبكي وعنده راكان مايدري وش السالفة
اسماء كانت تحاول تكون قوية قد ماتقدر وتمسك دموعها بس كانت دموعها خانتها وكانت اقوى منها وبكت
نسترجع الاحداث
:نايف
نايف: يله جاي
: خل الدله وتعال
نايف: يالله
كان القز قريب من الكنب والبيز ع الدلة
اشتعل البيز نار واحرق الكنب وصاار يحرق الكنب وياكلة لين قربت النار من اسطوانة الغاز انفجر الغاز مولد وراه حريق احرق البيت بما في
نرجع للواقع
دقت ريم ع الاسعاف جا واخذ مريم ومعها ريم
راحت اسماء لصالح وهي منهاره من البكاء
اسماء بصوت مخنوق:م م ممكن تودينا للمستشفى
التفت لها صالح
صالح وهو يحاول يخفي المه وجرحة:اووكي يله
وهم بطريقهم للمستشفى اسماء بكت..بكت يحرقه..بكت ودموعها لهيب تمنت انها ماتت مع ابوها واهلها الحين من بقا لها؟؟ مابقى غير اناث من غير محرم اناث مكسورات اناث وحيدات اناث بدون بيت ولا مكان حمدت ربها ع حالها وقالت في نفسها*الخيرة في ما اختاره الله*
وصلوا للمستشفى نزلوا وراحت اسماء طايره للرسبشن تسأل عن مريم
اسما:لوسمحتي
النيرس: هلا كيف اقدر اخدمك؟؟
اسماء وعيونها كلها دمووع: كم رقم غرفة مريم عتيق ال…….*
النيرس: رقم 104 الدور السادس
اسماء: شكراً
النيرس: العفو
راحت بسرعه للأصنصير دخلته وضغطت ع الدور السادس
فتح الاصنصير وطلعت الا على طلعت الدكتور من عرفة مريم
راحت له مسرعه
اسماء: لو سمحت دكتور؟؟
الدكتور: هلا؟!!
اسماء:ممكن تعلمني مريم وش فيها؟؟
الدكتور: لا ماعليها كان مجرد اغماء بسيط
اسما تنفست تنفس الصعداء
اسماء: طيب اقدر ادخل عليها؟؟!
الدكتور: اييه تقدرين بس بشوييش
اسما: طيب
دخلت اسماء على مريم وشافت منظرها في الاجهزة خافت عليه وصكت الباب ودخلت بشويش وجلست عندها وقعدت تقرا القرآن وتدعي ربها انه يقوومها بالسلامه ويسهل عليهم هالايام
دخلن البنات مسرعات اسماء اشرت لهن بمعنى بشويش البنات فهمن عليها ودخلن بشويش
مر الاسبووع وكأنه قرن مر بصعوبه تامه
اسماء حبت تزور ولد اختها وكانن بشقة مستأجرها لهم صالح
اسماء: بنات من بتروح معي؟
مويضي:وين؟؟
اسماء:بروح لراكان ازوره
مويضي: لا ماني رايحه
عايشه: انا
مريم:ولا انا
ريم:ولا انا
اسماء: طيب خلوا تركي ومشاري وسارة عندكن
مويضي:طيب
اسماء تجهزت وراحت دقت على الجازي
اسماء: جوجو وينك؟
الجازي:قريبه منك يالله
اسماء: اوكي يله
نزلت اسماءوعائشه وركبت مع الجازي ومشت
وصلت
طقت الباب ودخلت وسلموا عليها ورحبوا فيها جلست شوي وجاء راكان
راكان : خاااله
ركض لها وضمها بقوة
اسما والعبره خانقتها:روكي حبيبي اخبارك
راكان : انا زيين وانتي!!؟؟
اسماء: وانا بخير بشوفتك وفي داخلها*آآآآه ياريحة الغاليه آآآآآه يابعد عين خالتك آآآآه ليه رحتي وخليتيني؟؟لييه ماخذتيني معك؟؟ آآه لييه لييه محدن بقا لي؟؟ لييه؟؟ ليه تركتوني بدون حنان؟؟ لييه؟؟ انا مو بنتكم؟؟*
اسماء تنهدت وبداخلها صرحة :آآآآآآه وغمضت عيونها بقووووه ونزلت دمعه حاره ع خدها
هنا عمات راكان ماقدرن يتحملن اكثر وبكن من المنضر
راكان:خاله وين ماما؟؟
اسماءوهي تحس نفسها منهاره وكلامها يقطع:ماما…..وتشاهق هئ ماما……..هئ……ماما عند رب العالمين وفي داخلها*لييه تفتح الجرح لييه؟لييه تزيد الطين بله ليييه آآآآآه يايبه الناس بغيابك تفقد من الكون غالي وانا بغيابك فقدت الكون كله *
جدة راكان وهي تهديها: باينتي هذا الي كاتبه الله ماتدرين ويين الخيره
اسماء بصووت مبحووح:الخيرة في ما اختاره الله
ياقلب ابنشدك عن احباب واقراب
وابيك تبشرني بجنات النعيم
ياقلب وش فيك على النسيان ماقويت
ياقلب وقف تكفى وخلني الحقهم
ابلحق احباب قلبي تراهم اوحشوني
ياقلب تكفى لا تكتب لي اعذار
وقف وريحني من الهم والاحزان
ابفتك من حرة الدنيا والندم والالآم
ياقلب تكفى لك خيارين
ياتنسى وتنسيني معااك
او توقف وتفكني من الهم والافكار
ترا السهر اتعب لي عيوني
اسهر واحاتي القلب ان كاان
الغالي مرتاح في قبره او لا
يابوي يرضيك تترك القلب بأوهام
ويرضيك تترك بنتك بحاله
ماتركت له لا اخو ولا خال
طمعت واخذتهم كلهم لك
رجعت للبيت وهي منهاره تماماً من البكاء
مسحت دموعها ودخلت وسلمت دخلت الحمام تتوضاء وتصلي طلعت صلت وخلصت
مويضي: كيفه راكان وعماته؟؟
اسماء:ماعليهم يسلمون عليكن
البنات كلهم:الله يسلمهم من كل شر
اسماءراحت لمريم اسماء:مريم ترا ب نروح لجدة الاسبوع الجاي
مريم:لييه؟ليه مانقعد هنا؟؟!!
اسما:انا اعلمك ياذكية عشاان هنا الكل يعرفنا لكن بجدة مافي احد بيعرفنا وبعدين انا وانتي بندرس بمدرسة عيال ونصير محارم للبنتين ذولي والصغار
مريم:اهاااهالحين فهمت
اسما:حلو
مريم:طيب شلون بنروح لجدة؟؟
اسماء:مع الجازي واخوها
مريم: اهاه،طيب شلون بتخلين لنا اوراق ثبوتيه على اننا عياال؟؟
اسما: ماعليك تتذكرين رنيم الي تعرفنا عليها بالبي بي؟
مريم:اييه؟؟
اسماء: ابوها يشتغل بالاحوال وبقنعها تكلم ابوها لي يزين اوراقنا
مريم:والله انك خطيره
اسماء:اعجبك
اسماء والبنات سحبن ملفاتهن من المدرسة وبويا عزوز انقهرت واسماء استانست
حاان الوقت للسفر لجدة من القصيم لجدة مشواار 1200كيلوالله يسهل علينا
ركبنا السياره وماكان معنا شناط لأن ملابسنا وشناطنا احترقت مع البيت وكاان بس فييه شنااط ل مريم واختها رييم اخذنا كل اغراضهن عشاان نستخدمهم كلنا مشت السيارة وعلى مامشت ناامت رييم
خلوني اوصف لكم الاماكن
عند السوااق كاانت راكبة نوير اخت الجازي
وكاان ورا السواق ريم وع الباب الثاني كانت عايشه وبالنص مويضي
ورا بأخر شي اسماء ع اليسار ومريم بالنص والجازي ع اليمين
الجازي كانت نايمة اسما ومريم جلسن يطقطقن بالبي بي ويعلقن ويضحكن وكان عندهم الصغار نايمين وقف عند المحطة
طلال:وش تبون من البقالة؟؟
اسماء والبنات كلهم استحن يطلبن من طلال
نوير:يله على حسابي
اسماء اجل دامه كذا ابي تروبيكانا فروتس الاحمر مو العنابي وفيشار ليز ماكس بالجبنة وتسالي بالفلفل
مريم:انا مثلها ابي تروبيكانا فروتس وكرك راك كتشب وحار
نوير:اووف كل هذا عشاانع ع حسابي؟؟
عايشه:لسى باقي انا ومويضي وريم والجازي
نوير:اجل من الحين اعلن افلاسي
الكل ماعدا نوير:ههههههههههههههههههههههههه ههه
رااح جاب الاغراض ورجع وعقبها حركنا
وصلنا جدة الساعة 11:30رااح اخذ لنا شقه مفروشه الايجار بالسنه جلسنا فيها ونمنا ومن بكرا راح طلال معه نوير والجازي رجعوا للقصيم صحت الصبح وراحت هي ومريم وقفن لهن تاكسي وراحن للسوق
مريم: من وين لنا فلوس؟؟
اسماء:انا معي
مريم:من وين لك؟
اسماء:بعت الارضين الي كانوا لأبوي واخذت فلوسهم
مريم:كم؟؟
اسماء:جنيت من الارضين كلهم مليون ونص
مريم:حلو
اسماء بس يبيلنا ندور شغل
مريم:لييه؟؟
اسماء:المليون ونص ماراح تكفينا طوول العمر
مريم:صاادقة،طيب كلمتي البنت؟؟
اسماء لا لسى اذا رجعت بكلمها
مريم:طيب يله خلينا نتسوق ونطلع
اسماء:يله
تسوقن اكثر شي ملابس عيال لأن اسماء ضامنه ان رنيم بتوافق لأنها تحب اسماء بجنون وماترفض لها طلب
تسوقن وخلصن وطلعن وقفن لهن تاكسي وراحن للشقه
اسماء وهي توري البنات:شراايكم؟؟
عايشه:ليه ملابس عيال مو ملابس بنات؟؟
مريم:لأن يا ذكيه حنا بنصير عيال
ريم تشهق:هئ حرااام
اسماء:عندك حل ثاني يسترنا؟؟
ريم بعد تفكير:لا
مريم:خلاص اجل
ريم:سوي الي تبين
اسما جلست على السرير وطلعت البي بي من شنطتها دخلت على رنيم
asoom:رنيم رنوم
اخذت شوي وعقبها ردت
:rnoomهلا
asoom:ممكن طلب؟؟
rnoom:عيوني لك آمري
asoom:مايآمر عليك عدو لا بس كنت ابي ابووك يطلع لي اوراق ثبوتيه وبطاقة مدنية وطلع لنا كرت عايلة جديد
rnoom:ابشري ماطلبتي شي
قفلت الجوال وراحت جلست مع البنات وضحك وسوالف وقعده ما تنمل
شوي رجعت فتحت البيبي لقت رنيم مرسلة تقول:ابوي وافق وقال خليهن يجن بكرا بملابس عياال
سكرت الجوال وراحت لبست ملابس عيال وراحت تجيب غداء من برا بتجرب انها تكون ولد وقفت تاكسي وراحت لأحد المطاعم ولما نزلت راحت بتطلب
اسماء تحاول تغلظ صوتها بس للحين فيه انوثه:ابغى دجاجة ع الفحم وصحنين رز
الاستقبال:تبيه سفري؟؟
اسماء:ايه الله يخليك
الاستقبال:ابشر
اسماء:تسلم
وقف جنبها واحد واضح انه كاش ومبنك
وهذا واضح من لبسه
الولد:مساء الخير
اسماء:مساء النور
الولد:شكلك مو من هنا؟؟
اسماء:ايه،بس شلون عرفت؟؟!
الولد:واضح عليك لأنك نزلت من تاكسي مو من سياره خاصه فيك
اسماء:اهااه،ايه انا واصل امس
الولد:اهاه،انا اسمي خالد
اسماء:تشرفنا خالد،انا اسمي اءء ام انا اسمي……اءءء*طبعاً مافكرت لها بأسم* اءء……
خالد:ماتعرف اسمك؟؟!
اسماء على طول ردت
اسماء:الا بس متشتته شوي
خالد:متشتته؟؟
اسماء:انا قلت متشتته؟؟
خالد:ايه!!
اسماء تحاول ترقع:اقو ل انت شكله سمعك فيه مشكله انا قلت متشتت واسمي فيصل
خالد:يمكن، تشرفنا فيصل
اسماء وهي تحمد ربه بداخلها:الشرف لي
خالد:كم بتقعد يوم بجده
اسماء:لا انا ناقل هنا انا واهلي
خالد:حلو،اجل خذ رقمي05*********
اخذت اسماء الغدا ورجعت للشقة
اسماء:اوووف لو تعرفون وش صار معي
عايشه بحماس:وش صار؟؟
اسماء:اليوم وانا بالمطعم……وقالت لهم السالفه
مويضي:الله ستر عليك
ريم: أي والله
تغدن وجلسن يسولفن
اسماء:مريم لا تنسين اليوم تراب نروح
مريم:وين؟
اسماء:للمعارض نشتري سيارات لنا
ريم بحماس:لكل وحدة سيارة؟؟!!
مريم:لا يالخبله بس انا واسماء الي نشتري سيارات
ريم:وش معنى انتن؟؟
اسماء:لأن حنا الذكور الي بالبيت
ريم:اهااه!!
اسماء:هاه مريم اخترت يلك اسم ولد؟؟
مريم:ايه،وليد
اسماء:حلو
بنزل البارت الاول واذا شفت في تفاعل وحماس كملت
