بتكلكعى البشاميل طيب تعالى دقيقه من مطبخي

اولا الطريقه دى على البارد ركزى كويس انتى وهى
هتحضرى مقاديرك العاديه زى مثلا
3 بيضات
2 كوب لبن
4 معالق دقيق
3 معالق سمنه
توابل
الطريقه بقى

هنجيب الخلاط ونحط الدقيق على اللبن البارد واضربيه فى الخلاط كويس قوى
هتجيبى الحله وتحطى 3 معالق سمنه على البارد من غير تسخين
وتضيفى الدقيق واللبن اللى ضربتيهم على السمنه البارده متسيحهاش على النار
بعد كده قلبيهم وحطيهم على نار هاديه ومتشليش ايدك طول ماهى على النار
هتلاقيها لفت وبقت تحفه ومش مكلكعه زى اللى بنشوفها فى التليفزيون
ضيفى التوابل واطفى عليها تهدى شويه ضيفى عليها البيض وبالمضرب قلبى كويس
قوى وخدى بقى احلى بشاميل خفيفه وناعمه واحلى من الجاهزة
والف هنا

الموضوع حصرى ومن مجهودى الخاص