تشيز كيك الاوريو [ سهل

الطريقة:
اخذي البسكوت وفتتيه نااااااااااعم سواء باليد أو بالجهاز، وخليه مفروم وخلطي معاه الزبدة المذابة،

أحين دهني حواف القالب بشوي زبدة وناخذ حبات بسكوت الأوريو وشيلي الطبقة الوسطية، وخلي البسكوت بروحه ويكون غير مكسور، وبعدين صفيه في القالب (تقدرين تثبتينه بالقالب بقطرات عسل أو مربى، أو حتى بالبسكوت لما ترصينه).

بعدين في الخلاط خلطي: (القمير + الجبن + الدريم ويب + الماي الحار المخلوط فيه الجيلاتين)،

وصبيه ثلث الكمية فقط، خلي بالج ثلث الكمية فقط، ودخلي القالب بالفريزر علشان تجمد،

– بعدين إخذي باقي الخلطة وحطي معاهم (الكاكو البودرة + الكريمة البيضة مالت البسكوت اللي شلناها مساعة + 10 إلى 12 حبة بسكوت أوريو كاملة) وخلطيهم في الخلاط زين ما زين، وصبيها فوق الطبقة الأولى معقب ما تجمد، وزيني الطبق ودخليه الفريرز لين ما تجمد معاج،

وعقب ما تطلعون الطبق خلي الطبق برع 5 إلى 10 دقايق وشيلي القالب بعدين بالعدال، وخلي الطبق في صحن التقديم،
وتقدرين تغطينه وتخلينه بالثلاجة لين إييون الضيوف،