تعالو نرجع الى المدرسة تانى؟؟؟

تعالو نرجع الى المدرسة تانى؟

السلام عليكم
اولا كل سنه واهل منتدى ازياء بصحة وسلامةوخير
ارجو من الجميع ان يوسع صدرة معى لانى انا بجد خيالى اكثر من اللازم
تعالو نرجع الى المدرسة تانى ونفتكر ايام المدرسة خصوصا ايام الابتدائى
انا كنت بنام قبل الساعه 9مساءا كانت امى الله يكرمها ويعطيها الصحه كانت بتحكى لى حدودته كل يوم قبل النوم
كنت اصحى الساعه 7واروح المدرسة معايا كل كتبى وطبعا السندوتشات كمان ياااااة على المدرسة وهيبة المدرسة
بروح احضر الطابور وتحية العلم والاذاعة المدراسية
ياسلام بقا لو مدرس بص بصة كدة لواحدة فينا ممكن الواحد يحصلة اسهال من الخوف والرعب احب الحصص على قلب الواحد حصة الالعاب والرسم كنا بنلعب ونضحك من قلبنا بدون خوف من شئ معايا مصروفى كان مصروفى تقريبا ربع جنية فترة الابتدائى كان عندى مدرس الله يرحمه اسمه الاستاذ خميس يااااااااة لو شفته فى الشارع كنت اتمنى الارض تبلعنى او اهرب لشارع تانى حتى لو ماشى مع ابى اسيبة واهرب استخبى منه هههههههه
يااااااة على يوم الخميس الفترة المفتوحة ولا يوم الجمعة سينما الاطفال
ولا الكابتن ماجد ولابوجى وطمطم ولا رولى
(الضربة المزدوجةالصحن الدوار الاشعة فوق الحمراء) اعزرونى ياجماعة ايام عمرها ماتنتسى خالص من الذاكرة لانها افضل ايام حياتى
انا اسفة للاطالة اتمنى من كل اعضاء ازياء يرجع لفترة الطفولة ويفتكر ايام زمان واتمنى ارى تعلقاتكم