تعبت آنثر الخطوات وآجمع عناويني

تعبت آنثّر الخطوات وآجمّع عناويني
………تعبت أمشي على صدر الرصيف آكسر اظلاعه
هنا شفتك توادعني وضني بك تناديني.
……..هنا مر الوعد والناس والشارين والباعه

هنا مر الحكي لكن عجز يقدر يحاكيني
………هنا مر الغياب أسود وله نظرات خداعه

كبر فيني الحنين وشاب فرحي وانعمت عيني
………واخذني الموت في حضنه وسماني من أنواعه

على ذاك الرصيف أصطفت أحزاني تعزيني
………وانا آمنت بغيابك وخذت الصبر شمّاعه

عزمت الخوف ويا الأوف وقلت : الله يحيني
………على واجب حزن قلبي وآهاته و أوجاعه

أنا دخّنت حزني لين ضاقت به شراييني
………وآخر فرح فيني جا وقلّي هات وللاعه