دورة التفريز من الالف للياء

دورتنا النهاردة ان شاءالله فى التفريز من الالف للياء

السلام عليكم ورحمه الله وبركاته
دورتنا عن التفريز او التجميد او الاحتفاظ بالأكل فى الفريزر او الديب فريزر لاطول فتره ممكنه مسموح بيها
التفريز مش معناه اننا احول الفريزر عندى لدولاب مطبخ
ومش علشان نفرز شويه اكل فى كيس وخلاص …لأ
علشان نرد على اسئله كتير بتيجى فى دماغنا ياترى ده ينفع يتفرز ولا لأ ؟؟
ياترى ده افرزه نىء ولا مستوى ولا نص مطهى
ياترى ده افرزه محشو ولا بدون الحشو
ياترى ده افرزه عجينة بس ولا اشكله ؟؟
والاهم اننا لما افرز ياترى حطه فى ايه ؟؟؟ فى كيس نايلون ولا علب بلاستيك ؟؟ ولا فى صوانى ؟؟
التفريز مش معناه ابدا
اننا اشترى الخضار واجهزه واضعه فى اكياس او علب واحطه فى الفريزر و انساه يعنى من غير ما اعرف انا حشيله قد ايه ؟؟ من غير ما اسئل نفسى حتفظ بيه قد ايه قبل ما يفقد قيمته من طول فترة التجميد …من غير ما افقد جزء من طعمه ونكهته

1- انقاذ فى الزيارات المفاجئة والغير متوقعه

بس مش معنى كده اننا اعمل كام اكله واحطهم فى الفريزر للطوارىء وان محصلتش الزيارات الغير متوقعه اننا افضل سيباه فى الفريزر
لألألألأ غلط
والصح انك قبل ما يوصل لمرحله انه يفقد طعمه وقيمته اطلعه واطبخه لاسرتى وبعدين اعمل غيره طازه

2- اذا كانت الأصناف الى عايزة اجمدها فى الفريزر اصناف موسمية بمعنى ان النوع ده له وقت معين فى السنه وبعدين بيختفى واسرتى بتحبه

3- اذا كانت عندى ظروف تمنعنى انى اطبخ يوميا او حتى كام يوم فى الاسبوع بسب عملك خارج البيت او بسب مرض أواجهاد

4- اذا كنا فى وقت معين بيتطلب اننا نقوم فيه بعزايم مثل شهر رمضان ولكن الوقت بيكون محسوب علينا للاستفده فيه بالعباده عن المطبخ

التفريز حتلاقيه مالى المنتديات بس المهم انك قبل ماتفرزى تفهمى ايوه تفهمى علشان تبقى تفرزى بعد كده من غير ماتسئلى