طريقة عمل خبز الخمير

مقادير العجينة

طحين كوبين و نصف
ملح نصف ملعقة طعام
خميرة ملعقة طعام
سكر ملعقة طعام
سمن ملعقة طعام
حليب بودرة ملعقتين
ماء كوب واحد

طريقة التحضير

من اسباب نجاح اي عجينة ان كانت عجينة خبز الخمير او غيرها هي صلاحية الخمير

نسخن الماء العادي شوي في غلاية الماء الكهربائيه 10 ثواني بس .. عشان يكون فاتر

وبعدين نحط كل المقادير اللي فوق مع بعض في طاسة كبيرة شوي

نخلط العجينة دقيتين ثلاث باستخدام الخلاط و بتتكون عندنا عجينة طرية جدا و ناعمة الملمس و ماتلصق بالايدي

نغطيها زين و نحط العجينه في مكان دافي ونتركها نصف ساعه الى 45 دقيقة
مايحتاج نتركها اكثر عن عشان لا تظهر ريحة الخميرة في العجين
بيتضاعف حجمها

ناخذ مقدار من العجين بحجم التفاحة الصغيرة و نكورها و نتركها في صينية يكون فيها شوية طحين

نجهز صفار بيضة وحدة
شوية زعتر
شوية سمسم
ونحط كل واحد في طاسة صغيره

نفرد العجين بقطر نصف سانتي متر
( مهم جدا اننا مانخلي العجين خفيف لكن نخليه نصف سانتي )
ندهن الخمير بالصفار و بعدين نصب على نصه سمسم ونص الثاني زعتر

بعد مانخلص من هالمرحلة نجيب جدر الخمير و نحطه في الكهرباء ( لاحظوا للآن.. ماكننا مشغلين الجدر لانه بسرعه يصير حار ومايحتاج لوقت طويل عشان يسخن )
نتركة دقيقتين ثلاث الى ان تشوفون الاعمدة الكهربائية اللي من داخل راس الجدر صار لونه احمر بهالطريقة

الآن.. ناخذ حبتين من العيين و نحطه فوق على راس الجدر عشان الخمير من تحت ينضج شوي
نتركة علية 15-20 ثانيه بس ( انتبهوا لا تتركونه اكثر )

نشيل الخبز و نحطه داخل الجدر و نسك الجدر 40 ثانيه
ونشيل الخبز الخمير منه
المهم هاي شكل حبة خبز الخمير بعد ماطلعته من الجدر

وهاي حبة خبز خمير بالزعتر و حبة خبز خمير بالسمسم

يعطيكِ العافيه يالغلا

مشكوره

شكرا لك
ابداع متواصل
تقبلي مروري وردي

اترك تعليقاً

اترك تعليقاً إلغاء الرد