كتاب القراءة على سلامه

كتاب القراءة
============
بمنتهي البراءة
سأليتني
بنتي نور
ف أربع خمس
أمور
مش ف كتاب القراءة
قالتلي بابا بابا
مش إنت .. يا بابا
بتكتب أغاني
وتقول أشعار
أنا سمعت
الشيخ يا بابا
بيقول إنك يا بابا
ها تروح النار
زي الوحشين يا بابا
الحرامين الكفار
قولي يا بابا
يعني إيه إستعمار
يعني إيه نيل
يعني إيه هرم
ومين الي حط
النسر فوق العلم
يعني إيه يا بابا
إستفتاء
و يعني إيه إنتخاب
ويعني إيه حر
ويعني إيه نصاب
يعني إيه إختلاس
ويعني إيه هجاص
ويعني إيه خصخصة
يعني إيه يا بابا
دستور
يعني إيه معارضة
ويعني إيه مظاهرة
وليه النهاردة
خدنا أجازة
م المدرسة
قولي يا بابا
يعني إيه قهر
وفين
خط الفقر
ويعني إيه حظ
ويعني إيه زهر
يعني إيه يا بابا
حريه
يعني إيه إنسان
ويعني إيه سرطان
يعني إيه يا بابا
خربوها
وكنت فين لما خربوها
ومين دول يا بابا
ولاد القطقوطة
ومين دي
سمارة يا بابا
وإزاي يا بابا
ضاعت من قلبك
يا بابا
إنت معايا
فيه يا بابا ناس
بتقول كفايه
وفيه كمان عساكر
مسكين عصايا
وبنات متعورين
وتانين
ماشين بيضحكوا
هما دول إسرائلين
يا بابا
ويعني إيه
ويعني إيه
قولتلها
نور
ممكن أسألك سؤال
قالتلي
إتفضل يا بابا
قلتلها
هيه قناة سبيس تون
رقم كام
وخدتها
عشان تنام
على سلامة
للمشاهد اضغط YouTube – Ali Salama – montaha el bara2a
منقول
:0154::0154::0154::0154:

اترك تعليقاً

اترك تعليقاً إلغاء الرد