كل من لديها خبرة أرجو المساعدة

أردت أن أسأل كل حد عنده فكرة عن آلام تصير عندي في صدري أحياناً تكون تحت الثدي وغالباً على جهة اليسار.. ومرات أحس الألم يصير من الخلف ومرات فوق يعني الجزء اللي فوق من جسمي كله وكل مرة بمنطقة..

أنا خفت كثير .. وراجعت ثلاث أطباء قالوا ما في شيء بس ..

أول طبيبة كانت غلط وفكرت إنها من معدتي وأعطتني مضاد حموضة والهالكلام…

وطبيبة ثانية قالت إنه أكثر سببه نفسي وفعلاً انا لما أتوتر أو أتضايق وخصوصاً لما أعصب وأصرخ تجيني الآلام وكأنها تشنجات قوية .. وقالت إنه ممكن يكون بسبب اللبس الضيق..

وما وصفت لي علاج بس أعطتني مسكن آلام بروفينال إكس بي آخذه عند الحاجة…

صرت أستخدمه وأحتاجة أكثر من مرة باليوم..

وصار فترة ماما وبابا يقولون قللي ولا تاخذي كثير وشغلة ثانية أني لما آخذ بروفينال أتشوش ذهنياً ومشاعري تتلخبط وأحس إني أتضايق وأصير عصبية..

الصراحة خايفة .. وبابا ما يعترف بكلامي لما أشكي من شيء لأني مهووسة ولما أسمع عن أي مرض أتوهم إني أعاني منه بس هالألم من فترة كثير..

بالأول كان يجي كل كم يوم… بعدين الفترة صارت تقل حتى صرت أحس فيه فجأة وكل شوي

وصار يزيد وينتشر

أتمنى كل شخص عنده خبرة يفيدني