مشكله لا صرت طيب وقالولك هبيل .

ومشكله لا صرت مظلوم وفي يدينك دليل ..
ويتجاهلك حكم العداله وصوتك يسمعه.

ومشكله لا صرت ظالم وقالوا لك نبيل ..
واشهدوا لك بالشهامه و غشك تجمعه.

ومشكله لا صرت وافي ولك حظ قليل ..
مايريحك غير دمع تحدره اربعه.

ومشكله لا صارحزنك تدورله بديل ..
كيف تطفى نار وسط الفؤاد مولعه.

ومشكله لا صرت مخلص وافي للخلي ..
والعزيز اللي تعزه شعورك يوجعه.

ومشكله لا صرت عالي وفي الآخر عليل ..
والغرام اللي بقلبك لشوقك تودعه.

ومشكله لا صرت تعطي ولا تلقى جميل ..
من اوادم خانوا الطيب بأول مطلعه.