نصائح لتدلعي بها نفسك أثناء الحمل ولا تصيبك حالة ا

النصيحة الأولى:امتى تبدئي تشتري شوفي يا قمر فيه حاجة مهمة جدا لازم تكوني عارفاها وهي إنك مش هتبدئي تحتاجي لهدوم جديدة خاصة بالحمل إلا بعد الشهر الرابع وده لأن بعد الشهر الرابع حجم البطن فعلا بيكبر وبالتالي هتحتاجي لملابس جديدة لكن قبل كده ممكن تلبسي لبسك العادي بس يكون فيه شوية وسع وبلاش الضيق..

النصيحة الثانية: دوري على الملابس اللي شكلها شيك بما إنك ممكن تحسي بملل وزهق في أيام الحمل لأنك مش واخدة على جسمك في الوضع ده علشان كده عايزاك تبقي ذكية وتكسري الملل ده بأنك تختاري الملابس اللي شكلها شيك والألوان المبهجة زي "الأحمر أو البرتقالي أو الروز أو النبيتي أو التركواز وغيرها من الألوان اللي تخليكِ تحسي بالسعادة"..
وياريت تحاولي على قد ما تقدري إنك تبعدي عن الألوان الغامقة اللي زي "الأسود والكحلي الغامق" لأن الألوان دي كلها هتخليكِ تحسي بالزهق أكثر وأكثر ..

النصيحة الثالثة:اختاري الملابس الواسعة طبعا اللي هتشوف الكلمة دي هتقول إيه ده ما أكيد أي حامل بتختار ملابس واسعة وهو فيه حد بيلبس ملابس ضيقة…آه طبعا فيه ناس كثير بتحب الملابس الضيقة حتى وهي حامل بتجيب هدوم حمل بس بتكون ضيقة علشان كده ياريت تيجي على نفسك الفترة دي وتجيبي ملابس الحمل واسعة وياريت كمان تجيبي مقاس أكبر نمرة أو نمرتين عن المقاس اللي المفروض تلبسيه وده لأن جسمك في الفترة بيزيد كل يوم عن اليوم اللي قبله.

نصائح الحمل – أكثر من 20000 نصيحة

نصائح طبية للحامل الجدول الصيني
لمتابعة جديد الحمل والأمومة على بريدكاشتركي هنا

النصيحة الرابعة:اختاري الملابس القطنية فيه معلومة ناس كثيرة مش عارفاها وهي إن الحامل بتعرق كتير علشان كده يا ريت تختاري الملابس القطنية أو على الأقل يكون القطن بيدخل فيها بنسبة كبيرة وده علشان تمتص العرق لو مش هتلاقي ده يبقى على الأقل خلي الملابس الداخلية بتاعتك تكون قطن ميه في الميه… وياريت دايما تعتمدي في اختيارك على الاقمشة الناعمة

النصيحة الخامسة:استغني عن الكعب العالي ياريت طول فترة الحمل ترفعي شعار لا للكعب العالي نهائيا..

النصيحة السادسة:اختاري التصميمات المناسبة ياريت تبعدي في اختيارك عن الأقمشة اللي بتكون فيها نقوش كثيرة لأنها مش مناسبة ليك واختاري الأقمشة السادة أو اللي بتكون فيها نقوش صغيرة علشان ماتظهرش بطنك بحجم أكبر من الحجم الطبيعي.
كمان ياريت تختاري التصميمات اللي تحسي إنها مناسبة لجسمك ولطبيعة عملك.