الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت
ترجع تنام تانى قول لها مادام صحيتى حضري الفطار بقى
اذا كنت بتفرج على التلفزيون وهى عايزة تغير القناة قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة ولو كنت بتفرج على ماتش كورة هيبقى الموضوع اسهل كل ما حد من الاعبين من اى فريق يمسك الكورة قالها معلش ثوانى بقى انا حاس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )
اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حل من الى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر
البيض فى الحوض
فى عيد ميلادها زينلها تورتة عيد ميلادها بخمسين شمعة ولو سألتك لية
خمسين رغم ان عندها 15 سنة بس ؟ اتحج بضعف الاضاءة فى البيت وانت بتبص على النجفة الى عندكم الى فيها 30 لمبة مع ابتسامة صفراء خفيفة
> لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يرعى التجول وانت مستمتع بأكل الجاتوة امامها
متنساش رأيك فى طبيخها لو عاملة لحمة قول لها حلو اوى الفراخ دى ولو طبخة بامية جميلة اوى الملوخية دى حطة عليها اية يا حبيبتى ؟؟ ولو عملة كيكة قالها انا بحب اشرب شاى مع البسكويت الحلو دة !!
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم الى وقعت منى فى الشارع ولو سألتك هو اية الى وقع ؟ اذكر لها كل هدومها الى كانت مغسولة مع فردة شراب من بتوعك علشان متبقاش مقصودة منك !
لو الزوجة قرت مسح الارضيات فى البيت حاول انك تروح وتيجى على المناطق المبلولة متحج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاس ان التليفون هيرن كمان شوية
لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى
دى فين ؟؟
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبك تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى !!
—
كتير يضحك
هم اصلا ما يحتاجوا نصائح
حرام عليكي يا شريرة خخخخخخخخخخخخ
احنا غلابة و الله
مش كفاية كسلهم بالبيت و طول ما هما قاعدين نازلين طلب ورا الثاني
الله يكون بعونا احنا الستات
