المقادير
4/1 4 أكواب طحين فاخر منخول
3/4 1 كوب ماء فاتر
4/1 كوب زيت بناتي25 جرام أو 3 ملاعق زبدة
2 ملعقة طعام خميرة فورية
1 ملعقة صغيرة باكنج باودر
2 ملعقة طعام حليب بودرة
رشة ملح
بس معلش ما لحقتش أصور طريقة عمل العجينة لاني المطبخ كان متوتر شوي لاني كان فاضل على المغرب ساعة ونص ولسه ما كانش الأكل خلص.
الطريقة :
نحط 1/4 3 كوب الدقيق من المقادير ورشة الملح في وعاء عميق .
وفي خلاط العصير نحط:
الماء الفاتر
1 كوب دقيق(الي فاضل من المقادير)
2 معلقة طعام خميرة فورية
1 ملعقة صغيرة باكنج باودر
2 معلقة طعام حليب بودرة
ونضربهم كويس لحد ما يبى عندنا عجينة سايلة شبة عجينة القطايف ونتأكد اني الخميرة دابت كويس .
نصب الخليط ده على مقدار الدقيق والملح ونبدأ نعجن كويس . وبعدين نضيف الزيت والزبدة ونعجن تاني ونغطي العجينة ونسبيها تتخمر لمدة ساعة تقريباً حسب جو المطبخ الي عندك.
وهنا شكل العجينة طرية جداً جداً .
وعملت منها 3 أشكال (دواير محشة جبنه نستو – مني بيتزا – دواير مدهونة زعتر)
عملت كور من العجينة وحشتيها بالجنبة
ورصيتهم في صواني وخليتهم يتخمرو شوي لمدة نص ساعة ودهنتهم بالحليب
ودخلتهم الفرن على حرارة 180 لحد ما تستوي والوش يحمر . ودا شكهم بعد الخبز
ولدواير الزعتر فردت العجينة وقطعتها دواير ودهنتها بالزعتبر المخلوط مع الزيت
يتبع
لاحظوا هشة ولونها فاتح وقوامها قطني ازاي
البيتزا زي الزعتر فردت العجينة وقطعتها دواير ودهنتها بالكتشب وحطيت فلفل رومي وزيتون أخضر ودخلتها الفرن تستوي لمدة عشر دقائق وده شكلها
وكنت باشرة جبنة موزاريلا
وحطيتها على البيتزا ورجعت دخلتها علشان الجبنة تسيح
صورة جماعية للجبنة والزعتر والبيتزا
لاحظوا شكل المعجنات من جوه طرية وهشه جدا .
وهنا بعد ما المغرب أذن دقت وحدة وكانت رائعة وبدوب لما تاكليها . وعجبت الكل وماشاء الله خصلت الكمية كلها على الفطاير . وأنا الي كنت عايزة تفضل حاجة للسحور
لاتنسوا التقييم
تسلم ايديك
تقبلي مروري
