كيفك بنات …. كيف احوالكم ..؟
الله يعطيكم العافيه .. عندي مشكله في اختيار المشغل !!!!
مافيه مكياج قد سويته بمشغل واقنعني !!!
يمكن المشكله لانو وجهي مره طفولي !!!
انا عمري 21 سنه بس وجهي اللي يشوفه يعطيه 16 سنه
يعني المكياج ماينفع على وجهي
ولمن يحطونه لي يكون مره زحمه في وجهي و يطلع كاني وحده مغروره وربي
مكياجي المعتاد : ماسكرا وقلوس وردي بس ماينفع احط اكثر من هالشي حتى لو عندي سهره
مادري انا وجهي مره طفولي يا انه ماينفعله مكياج او اللي يحطونه مايفهمون لوجهي
مو مشكله امشي حالي بالسهرات بس لصار عندي زواج هنا الورطه لازم مكياج كامل
تعقدت من هالموضوع واول مايقولون زواج فلان قريب يطقني ابو القولون واشيل هم المكياج بس
المطلوب من هالموضوع
وهذا المهم
v
v
v
الله يعافيك ويوفقكم وين ماكنتو
ابغا مشغل كويس في الرياض
يكون مجرب وعلى يد وحده عامله جربتيها بنفسك
وهالوحده تفهم في انواع الوجيه مو تحط اي شي والسلام
لانو زواج اخوي مره قريب
ومو حلوه اطلع مثل دايما
الله يعافيك ساعدوني
واذا بتقولون لي اسامي مشاغل ياريت تقولون لي اسم العامله الكويسه وموقع المشغل
و لو كانو مايشتغلون في مشاغل ارسلولي رقمهم
الله يعطيكم الف الف عافيه
والسموحه اذا طولت عليكم
بس والله مادري مين اسال مالي الا المنتدى
اللي اسالهم كلهم يحبون الاوفر بالمكياج وجهم ماشاء الله يمشي مع اي مكياج
حتى مادري اذا موضوعي بهالقسم او لا
بس ياريت تساعدوني بليز
حبيبتي جربي مرة تروحين مشغل اسمه سفن بيوتي seven beauty salon..
والله انك ان شاء الله مارح تتندمين ..
هناك وحدة اسمها خلود شغلها مرة حلو.. و وحدة بعد اسمها مريم يجونها بالاسم ..
شغلهم رايق جدا خصوصي بالمكياج و التسريحات ..
و يعرفون كل وجه و اللي يبيله و كيف يتمكيج و يظهر جماله ..
أنا أي مناسبة أنط عندهم مكياج و تسريحة ..
و أسعارهم جدا معقولة ..
هذا غير تعاملهم الراقي و الذوق ..
الصالون موجود بداخل مركز دار بانة النسائي اللي على طريق الملك عبد العزيز بحي الورود .. بتلقيه قبل البنك العربي للاستثمار .. أو بعد قصر الحريري بشوي ..
ان شالله أكون أفتدك يا حبي
موفقة
أن شالله بنات الرياض يفيدوك
الله يوفقك ياقلبي
وتطلعين قمرهم كلهم
وعلى البركه زواج أخوك مقدما
امين يارب اطلع قمرهم
يعطيك الف عافيه
وان شاء الله يفيدوني بنات المنتدى