الكنافة الكذابة حلويات جديدة

بس طبعا معايا الطريقه اختلفت

يلا نشوف الطريقه

المقادير:-

1 باكو توست (استخدم ريتش باك)

ربع كوب زبده سايحه

3 ملاعق نشا (استخدم كورن فلاور)

3 كوب لبن

الطريقه:-

1- يفرم التوست خشن قليلا (لم انزع الاطراف)

2- توضع الزبده على التوست ويقلب باليد

3- يوضع نصف مقدار التوست المفروم في صينيه ويضغط عليه باليد جيدا

4- نعمل المهلبيه (نذوب النشا في اللبن البارد ثم يوضع على النار ويقلب لحد ما يبقى تقيل )

5- توضع المهلبيه في الصينيه على التوست المفروم وتترك لتبرد قليلا

6- يوضع باقي التوست على الوجه ويضغط عليه باليد

7- تدخل فرن مسخن من قبل على درجه حراره 180 لمده 25 دقيقه تقريبا

وممكن نشغل الفرن من فوق 2 دقيقه عشان وجهها يحمر

8- نجهز الشربات (القطر) يوضع 1 كوب سكر على 1كوب ماء ويوضع على النار حتى الغليان يعصر ربع ليمونه (يعني مش نعصر النص كله)

9- اول لما تطلع من الفرن تسقى بالشربات الساخن

معلش مصورتش كل الخطوات اصل كنت بعمل معاها اكلير فبصور هنا شويه وهنا شويه