الله اكبر صرت تستنكر الصوت !!

العام تحسب لي الدقيقة لو تفـوت ..
والحين ما تعطي من الوقت ساعة !!

لاهنت ,, ياللي لايت ٍ خافقي لـوت
أقنعت قلبي عنـك رغـم إمتناعـه ..

واللي حفظ يونس نبيه من الحـوت
من باعني بعتـه مثيـل البضاعـة ..

حبل الوصل لو بيننا صار مفلـوت
ماهمنـي فـي جذبتـه وإنقطاعـه..

نفسي عزيزة لو توردنـي المـوت
ما أذل لو إن ذبحتنـي الشجاعـة ..

المر عندي خير من حالي التـوت
لا صار به منّه وهـم وقطاعـه ..

لو توزن الدنيا جواهـر وياقـوت
منهو نزل بالعين صعـب إرتفاعـه ..

خلصت منك يوم تستنكر الصـوت
من بعد ما كنت تتمنـى سماعـه !!