طبقي اليوم طبق مشهور بالعراق والبلاد العربية
لكنه يختلف من بلد لبلد
الا وهو الهريسة
المقادير
كيلو لحم غنم
كيلو حبية او حب هريس ويفضل العراقي
شوية ملح
ماء
وفي ناس بتحب تضيفلها البقوليات من حمص وغيرها
بس احنة اليوم راح نستخدم بس الحبية
قرفة (دارسين)
دهن حر (سمن بلدي)
واللي يحب عليها سكر يضيف
طريقة العمل
تنقع الحبية قبل بيوم حتى تنضج بسرعة
تسلق اللحم وتقليه بشوية زيت او سمنة
ومن ثم تغمره بالماء كمية كبيرة من الماء
ويضاف لها الحبية
ونتركها تغلي
طبعاً لان الحبية منقوعة من قبل بيوم ماراح تاخذ وقت كثير ساعة ونص او ساعتين
بس في ناس بتطبخها ل6 ساعات
بعد ماتثخن وتصير سميكة
لازم نفضل نحرك فيها بملعقة كبيرة والمعروفة بالعراق (بالجفجير)
حتى ماتلتصق الهريسة وتحترق
بعد ماتختفي حبات الهريس
واللحم يذوب داخل الهريسة
توضع في صحون ويوضع عليها القرفة
والدهن الحر بعد تذويبه على النار
وممكن وضع السكر
[
وياعيني على الطعم الرهيب
وخصوصاً في الشتاء
تمد الجسم بالدفئ والطاقة
وهذا الطبق من مطبخ الوالدة الله يطول بعمرها
لاتنسونا من الدعاء
وربي يحفظ امي وابي واهلي بالعراق اجمعين
والله يخليلج الوالده ويبارك بيها
ويحفظ ابوج والعراق واهله يارب
