و مالت فيني الفرحه , و فازت لمّة أحزاني
و عادت قصة أمجادي , تدور لي و أنا خجلان
و حولي كل من يعرف طموحاتي , و عنواني
كتبت , و ما كتبت الا معاناتي و أنا غرقان
آدور يد تحملني على الشاطي و ترعاني
بعد قصة تسليني , صدر من بعدها الديوان
مليت آخر حكاياتي على شاعر تبناني
تسلّيني بعد روحك حروف(ن) تحمل الألوان
تشكل كلمة [ العوده ] على بابك و تنهاني
قضيت العمر ف الفرقى وكان الي مضى قد بان
كتبته في قصيدي لين مل الناس قيفاني
يمر العمر ما مرت معه ذكراي ف الأوطان
و لا في موطني مرت معاناتي ل خلاني
تجمع يا قصيدي حيل وآكتبني معك سلطان
و بعثر ف الفضا طيفي , وخل الناس تقراني
بدا صبحي و ك العاده غريب و ميّت و ذبلان
و مر النور ب البسمه على جذعي و غطّاني
إلين اليل صوّت لي تعال .. وقمت له تعبان
تقرّب خطوتي يمّه و تقرب دونه ألحاني
وقفت وكانت الوقفه , دليل آني معك خسران
و قفت و ما وقف يمّي سوى صدقي و دفّاني
رفيقي (ما وقف) يمي و جفني عقبها نعسان
لساني ما تكفّل بي و لا أهلي و جيراني
وحيد ب عقدي الثاني آقاسي لوعة الهجران
أدور من يواسيني و جرحي حيل واساني
دخيل الله يا خلّي تخيّلني معاك إنسان
تخيّل بس لو مره , بعدها حاول آنسآني
تعبت و صارت أحوالي تسجلني معك ندمان
و حالي من تفارقنا و هو متكدّر و عاني
و لكنّي , و يا خلي ترى ما كان بي قد كان
و شيٍ فات خليته , و قلبي عنه ودّاني
عزيز النفس ما ينظر لشخص بايع و خوّان
و أنا متمرّس العزّه , و راضيها و ترضاني
0 * 0 * 0 * 0 *0
اشتقتلكم ياغلى صديقاتي
والله مانسيتكم
احبكم في الله لاتنسوني من دعاءكم
ماراق لي
ندى
فديت القصيده الحلوه
وصاحبة القصيده احلى واحلى
غيبتك طالت و ملتني ظنوني
و أضناني الشوق و بعدك عن عيوني,
حتى ضلوعي تسأل عن نبضها
وينك يا خفوقي……
كانك تغلى …تراك اغلى الغوالي
و كانك تخليت …..محدا بعدك يهنا لي
اتعب بدونك….و اسعد بقربك
وما طلبت غير شوفك…
لي الشرف اني اكون اول من يرد عليك
لساني ما تكفّل بي و لا أهلي و جيراني
وحيد ب عقدي الثاني آقاسي لوعة الهجران
أدور من يواسيني و جرحي حيل واساني
لاخلاولاعدم
أبيات رائعه
فاقت الوصف
تقبلي مروري
:a5bdf2b232::a5bdf2b232::a5bdf 2b232:
دائما ابدعينا في كلماتك وروعتك وتميزك ياقلبي
ربي يسعدك
ومتابعتكم الله لايحرمني منكم يارب
الف شكر لكم ع طلتكم رائعه