برياني لحم عالطريقه الكويتيه من مطبخي

المقادير :

لحم – طماط مقطع – فلفل بارد مقطع – فلفل حار – بطلتين كبار وحده انقطعها شرايح والثانيه مربعات صغيره

3 فصوص ثوم كبار – زنجبيل قطعه بطول نص الاصبع – كزبره وبقدونس مفرومين – بهارات مشكله – بهارات برياني – روب

لومي مطحون شويه – بهارات يابسه – صنوبر وكاجو للزينه وشرايح ليمون وبيضه مفيوحه

الطريقه :

غسلي الحم عدل واخذي لج جدر وحطي فيه شويه زيت وبصل وثوم وبهارات يابسه والحم وحمسيه عدل

وبهارات مطحونه شويه وحمسيه وبعدين صبي الماي الحار وخليه يستوي ساعه

الحين استوى الحم اخذي لج جدر وحطي فيه زيت وحمري البصل الشرايح وحطي عليهم شويه ثوم وبهارات مطحونه وفلفل حار تكونين حاطته من اول الحين شيليه

شليهم وخلي الدهن لا تكتينه نبيه

الحين حطي بنفس الدهن البصل المفروم مربعات صغيره وحركيه وثوم والزنجبيل والحم وحمسيه وبهارات برياني

وبهارات مطحونه وشويه لومي وحمسيه عدل وحطي 3 قفشات روب او اربعه وحمسيه راح تحسين صار عندج نفس الصلصه حلو جذي نبيها

حطي البقدونس والكزبره مو كلهم نص وسكري الغطا تقريبا ربع ساعه على نار جدا هاديه

تكونين مسويه العيش طريقتي شويه دهن وقطعه ماجي للعيش وحبتين هيل وحطي العيش والماي الحار وسكريه لمه يستوي

الحين ناخذ جدر كبير ونحط نص العيش بعد ما استوى فيه ونرشه بالزعفران والماي ورد الي منقعينهم

وحطي خلطه الحم ورشي عليها بقدونس وكزبره مفرومين وبصل وقطعه زبده

وحطي طبقه العيش الثانيه فوقه ورشيها بالزعفران المنقوع ورشه من البصل الشرايح المقلي وقطع من الزبده

وحطي قصدير وسكري بالغطا على نار هاديه تقريبا 5 او 10 دقايق

انا اهني مو حاطه بقدونس ولا كزبره لان خالص بس حلاته وياه للشكل ولطعم

وانجبي وزينيه بالكاجو والصنوبر والبصل والبقدونس والكزبره والبيضه قطعيها اربع واليمون شرايح

وبالعافيه ..