انا جاية اقولوكم تكة صغيرة خاااااااااااااااااالص هتفرق في الشوي جدا
لما نتبل اللحمة او الفراخ او بفتيك اوبانيه
شوي بقا او قلي
ماتحطيش في التتبيله ملح خااااااااااااااااااااااااااااا اااااااااااااااااااا االص
نص لمونه ومعلقة خل وفلفل اسود وبصلة ناعمة جدا وطماطماية صغيرة مبشورة ولو تحبي فلفل اخضر ومعلقة سكر
وللحمة تزودي كبابة صيني
والفراخ تحطي معلقتين مايونيز
ليه بقا مانحطش ملح؟
عشان ماتنزلش ميتها
هتلاحظي لما تتبلي اللحمة والفراخ وتحطي ملح بتنزل ماية كتير
وبتنشف في القلي او الشوي
اما لما ماتحطيش ملح
وقبل الشواء او القلي على طول حطي الملح وقلبيها
هتلاقيها طرية جدا جدا جدا وجوسي اوي
ارجو ان المعلومة تكون افادتكوا
تسلم ايدك ياشيف
بس هي كده مش هتبقي مملحة من جوه فطعمها مش هيبقي حلو ولا ايه
|
ياقمر اللحمه هاتكون وخده طعم جامد من التتبيله وبعدين لما تحطي الملح قبل السوا علطول بعد السوا هاتلاقيها طعمها جميل جدااا ومش محتاجه حاجه فهمتيني حبيبتي