جبرت خاطرك من شان الغلا وأنكسرت!!!

يمكن على الدمع في ليل الوداع انتصرت
أو دمعة البعد ما سالت على وقتها

يا صاحبي انت ما أضنّك دريت وشعرت
مشاعري من كثر ما أحبك أحرقتها

جبرت خاطرك من شان الغلا وأنكسرت
وهذيك وسّعتها , وهذيك ضيّقتها

لا تقول لدّت عيوني للفراق ,, ونظرت
لو أن الاحلام بيدي ,؟ كان حقتها

انا اعتبرتك حبيبي وانت ويش اعتبرت ؟
يالي سنيني من اطراف العمر بقتها

العام في موعد الجرح القديم انتظرت !
في ليلة ٍ كنت ابسهرها , وما طقتها

جيت اكسب ارضاك وانسى عزتي ما قدرت
دايم ,, تمر الاماني ,, ما تلاحقتها

ما كنت اصدق يموت الحلم لين انجبرت
يا كذبة ٍ صعب اكذبها ,, وصدقتها