جربت هذه الوصفة اليوم وتعالوا شوفوا صحي

هلا بنوتات

بصراحه؟ انا جربت خلطه والله يشهد علي وعلى صديقتي وامها وخالتي وخواتي وامي… ان ماشفت احلى منها

تطلع النتايج من اول يوم

يا بنات تبغون دليل اقوى؟!

يد خدامتنا…. هي وايد سمرا.. سودا… ويدها نفس الشي… خذت شوية من الخلطه وفركت ايدها فيها… والله العظيم مفاجأه … لدرجه انها هي (خدامتنا) تقول شو هذا؟ سحرر؟
صارت ايديها بنيه……بدل ما كانت سودا وبشكل واضح.. نضيفه

الخلطه للوجه وللجسم.. وخاصه اليدين والرجلين… جربتها على رجل امي وخالتي .. كانت عندهم سواد على الصبع الكبير … راح نهائيا من الفرك لمده دقائق
بس بشرط تدعون لصاحبه الخلطه الله يخليكم
يعني الخطوات هي…
تفركين جسمج بقوة شوي … وبعد الفرك تضيفين شويه من الخليط على الجسم او اليد او الرجل او الوجه وتخلينه نص ساعه او الى ان يجف… وبعدها شيليه بالتقشير بيدج او بالماي البارد … وشوفي النتايج وادعي لي ولصاحبه الوصفه.. هي وحده مصريه وطيبه وحبوبه والحين عليها مشاكل ماديه… ادعوا لها

بالنسبه للوجه افركي ويهج فيه وبعدها حطيه كماسك لمده نص ساعه.. وشيليه بالتقشير بيدج او بالماي البارد…

الخلطه هي…وانصح كل وحده تسويها…. والكميه هذي كبيره وتكفي لعده ايام.. بس لازم تحفظونها في الثلاجه علشان ما تخترب وتبقى لفتره اطول..

هاتوا ورقه وقلم واكتبوها

قشور 3 موزات… بس القشور من غير الفاكهه نفسها( يعني كلي 3 موزات وخلي قشورها للخلطه )
بطاطا مسلوقه مع قشورها
نص ليمونه صفرا مع قشورها
كوب حليب طازج(حليب نادك او مراعي او العين او اي حليب حجم صغير) الحجم الصغير للحليب .. تحطينه كله.. لأنه يعادل كوب تقريبا
وبس..

تاخذين قشور 3 موزات والبطاطا المسلوقه مع قشورها ونص ليمونه مع قشورها والحليب وتحطينهم بالخلاطه وتخلطينهم عدل عدل عدل…

يطلع لج لون بني

خذيه وحطيه في علبه زجاج ( علبه ورق عنب مثلا راح يوصل لاكثر من النص) وخذيه وحطيه بالثلاجه علشان ما يخترب

وخذي منه اللي يكفي ويهج ويدينج وريولج وجربيه بنفس اليوم حتى لو مب بارد

وشوفي النتايج الرهيبه

والله رهيبه جربيه وشوفيه

بس نصيحه.. افركي ايدج عدل فيها… وحطيه ماسك نص ساعه
والوجه افكريه بحركات دائريه لفتره 5 دفايق واغسليه وبعدين حطي كميه منها كماسك لمده نصف ساعه وشوفي الفرق

ممكن تسوينها كل يوم ماشي اي مشكله.. انا اسويها كل يوم.. بس افرك ويهي فيه وبعدين اخليه ماسك..وساعات بس اغسل ويهي فيه

وشوفي النتايج
صدقوني البنات في الجامعه كلهم يسألوني ليش محلوة؟؟

يتني بنت بس علشان تسألني انتي ليش حلوة ماشالله؟؟ وصدقوني كله من هالخلطه

صارت لي اسبوع وشويه استخدمها… وكل اللي سواها تخبل عليها,, يتني مسجات يقولون تجنن هالخلطه..