المقادير
بياض أربعة بيضات
صفار ثلاث بيضات
كوب حليب
ثلاثة أرباع كوب سكر عادي
ربع كوب عصير ليمون
بشر ليمونة كاملة
ملعقتين طعام دقيق
ملعقتين طعام سكر ناعم
ذرّة ملح
الطريقة
نخفق بياض البيض الى ان يجمد ونضيف له ذرة الملح وملعقتين السكر الناعم على دفعات الى ان يجمد ويطلع لنا المنقار أو الشريط وبكذا خلصنا من الميرانغ
بزبدية ثانية نخفق صفار البيض مع السكر الخشن لين يتجانسون ونضيف الحليب وبعدو عصير الليمون بعدين بشر الليمون وآخر شي نضيف ملعقتين الدقيق وإذا مره تكرهين نكهة البيض أضيفي فانليا كثير بالنسبة لي أضيف روح الليمون عشان ريحة البيض
نرجع للميرانغ ونضيف عليه الخليط إللي قبل وبشكل دائري نحرك ونراعي الخفة لا يفش علينا الميرانغ يعني خفق يدوي من فوق لتحت
نجيب أكواب السوفليه ونوزع الخليط فيها ( أهم شي بالموضوع إنو نصفها بصينية فيها شويّة موية مغليه لين تغطي نصف الأكواب عشان تاخذ السوفليهات راحتها بالنضج والإرتفاع دون من تتأثر بالحرارة )
ونخبزها بالفرن بحرارة متوسطة تقريباً 350 ْ لمدة 15-20 دقيقة أو لين ترتفع ويصير الوجه ذهبي
من تطلع نرشها على طول بشويّة سكر
~
زوم داخلي من برا هشّة ومن جوا طرية وشكلها جميل بس بإستواء
