خسى كل يوم كيلو بدون ريجيم او رياضه +تجربتى مع الليمون والماء الساخن

أزيكم يا بنات ؟ يارب تكونوا كويسين

كل سنه وانتو طيبين رمضان قرب اوى وياااارب تصوموا بقى مش زاى كل سنه
هههههههههههههههههه بهذر معاكم ،
أنا حبيت اقولكم على حاجه عملتها خسستنى اوى ،، بس انا مش بوزن وكده
انا بشوف شكلى خاسس ولا لا ههههههههههههههههه ،، المهم الحاجه دى انك تاكلى براحتك و كل اللى نفسك فيه بشرط ان على الساعه 5 المغرب توقفى الاكل تماما مش مسموحلك تاكلى اى حاجه ولا حتى خضروات او زبادى ،، المطلوب منك تشربى مايه كتيير مش اقل من 2 ليتر يعنى 8 كوبايات تقريبا
انا عملته بس 3 ايام بسسس ،، وده لانى مش تخينه بس بحب اجرب كل حاجه هههههههههههههه
والله العظيم لقيت نفسى خاسه جدااااا من 2 يوم ،، جسمى كله خس اوووى مع انى كنت باكول كل حاجه
بس فى تانى يوم قللت شويه فى الاكل . جربوه بنفسكم و انتم هتشوفوا نتيجه من اول يوم
لانك كل يوم بنخسى كيلو او ممكن جرامات . بس لازم كل يوم هتخسى ، و لو عملتى رياضه هتلاقى
نتائج تحفه والله عن تجربه امشى نص ساعه بس حتى فى البيت وان شاء الله اكييييييد
هتخسى جداً ،، النظام ده اسمه الصيام العكسى جربوه وهتخسو ان شاء الله

تجـربه شرب ليمون وماء ساخن :

انا عملت التجربه دى كنت بسخن مايه فى البراد عادى واعصر 2 ليمون فى كوبايه كبيره
و بعدين احط المايه فى الكوبايه واشربو ،، عارفين ايه النتيجه ؟!!
والله لقيت نفسى بخس و جسمى بينكمش هههههههههه والله بجد بخس اووى انا كنت مش مصدقه الكلام ده و قولت مستحيل ،، بس انا بحب اجرب وكده والله العظيم كنت باكول كل حاجه ومش بعمل رياضه كمان و مع ذلك خسيت جدا ،، اول ما بصحى بشرب كوبايه قبل ما اكول او اشرب اى حاجه
وانا اصلا مش بفطر بشرب كوباية كوفى ميكس و ممكن شيكولاته
و بعد الغداء و العشاء يعنى بشرب حولى 4 كوبايه كبيره فى اليوم ،،