بنات أنا زواجي السنه الجايه بإذن الله أبغى فزعتكم معي طلبتكم تكفون
أنا سويت ريجيم ونحفت والحمدالله لكن مو هنا المشكله بعد مانحفت طلعت لي ترهلات عند العضد والفخوذ والصدر وشوي بطني مترهل فابغى خلطه تشد جسمي وترجعه زي أول بس على شرط مايكون في الخلطه خل تفاح لاني سمعت قصص عنه وزياده على الترهلات طلعت لي تشقات كثيره في نفس مناطق الترهلات شوهت جسمي قسم بالله ان كل من شفني علق على تشقاتي لان منظرها مشوه ابغى خلطه للتشقا وبعد أبغى خلطه لبياض الكف لأن كفي صاير اسمر مره وبالذات في مرافق اصابع يدي صاير مره اسود وانا الحمدالله لوني حلو بس المشكله في التشقات البيضاء والترهلات واسمرار يدي أبغى خلطات عن تجربه تكفون يابنات
أعرف أني زودتها بس مالي بعد الله إلا أنتم يابنات وزواجي قرب وأنا مالقيت للمشكال الي فوق حل فقلت مالي بعد الله الا خواتي بنات المنتدى ولكم دعوه في اخر اليل بالي تبونه والله يوفق ويرزق من تعطيني حل
للمعلوه هاذي اول مره اشارك فيها المنتدى
ع الاقل امشي نص ساعه فاليوم والله راح ينشد جسمك وبتلاحظي هالشي بنفسك
ونصيحه من تستخدم خل التفاح خل التفاح بيخلي الجلد ينضج من جوه كنك طابخه لحم
يعني بيأثر عليك …
وخلطه لليد …
عصير ليمونه كامله
3 ملاعق كبيره نشاء
3 ملاعق كبيره حليب مجفف
ملعقه كبيره حليب سائل
ملعقه كبيره جلسريد الأحمر
ملعقه كبيره حليب سائل
ملعقه كبيره أولاي تفتيح البشره ( طبعا مو شرط اولاي اي كريم يناسب بشرتك لتفتيح )
اخلطيها مع بعض لين تسير مثل الكريم وبتطلع لك كميه كبيره خلي الباقي بثلاجه احفظيها بعلبه …
والله راح تلاحظي ان أيدك فتحت من اول ماتستخدميه لان النشاء يسحب السواد من الجسم
ولو حبيتي استخدميه لجسمك ولمنطقه الأبط والمنطقه الحساسه وجهك لو كان فيه اثر حبوب راح يشيله مو لليد بس…
واستخدمي الصابونه المغربي مره حلوه لتفتيح ..
ابشري صابونه مغربيه المكعب وانقعيه مع مويه الورد لمده 12 ساعه
واخلطيها بعدين بالخلاط وحطيها بأي علبه ولو حبيتي حطيها بعلبه شامبو تكون فاضيه ونظيفه ( لسهوله الأستخدام)
واغسلي وجهك وجسمك فيها …
وع فكره الي كتبته لك عن تجربه شخصيه انا مجربتها مابي اقولك شي ماجربته ..
أتمنى أفدتك يالغاليه دعواتكم لي ان الله يسر لي مرادي…..
هذا رابط لموضوع لأحدالأعضاء بالمنتدى عن طرق شد الصدر انا مجربه طريقه منها والله مره
حلوه لشد الصدر وراح تلاقي ردي موجود بطريقه الي سويتها …
دورت ع الموضوع لين لقيته تستاهلي كل خير …
استخدميه بأي وقت موشرط وقت محد لانه مثل الكريم حتى لو تخليه كاكريم مرطب
لايدك وجهك بعد ماتغسليها بأي وقت حتى لو حطيتيه باليوم اربع خمس مرات عادي مابيأثر …
أسفه ع الأطاله بس حبيت أفيدك أكثر …
بس يالغاليه أبغى خلطه للتشقا البيضاء الي تطلع بعد النحف عارفه اني طولتها بكثر طلباتي الي ما تخلص بس
وربي لادعيلك من كل قلبي يا غلاتي
