ساعدوني تكفون ولدي ما يرضع مني وزوجي هددني بالطلاق

انا جبت ولد ولله الحمد بس المشكله انو ولدي ما يرضع مني كثير يعني لو بمجمع رضاعتو لحد ما خرجت من النفاس !! تقريبا اسبوع وكم يوم كدا !! واليوم اللي يرضع فيه من صدري !! بس مره او مرتين وبقية اليوم يشرب حليب صناعي والله يا بنات اني احاول فيه واصلا بالصدفه يرضع !! يعني الاسبوع اللي رضع فيهم من صدري كلها صدفه والا هو اصلا مو متقبل صدري تماما معرف ليش ؟؟ كذا مرا حاولت والله مانفع يبكي بحرارة واذا اعطيته حليب صناعي يشربو بلهفة .. ودحين انا اخذت حبوب مانع حمل ( ياسمين ) لمدة 3 ايام وبعدين جاتني الدورة ..

دحين سوالي ..: ايش الاضرار اللي بتصير له لا سمح الله لانو ما رضع مني كثير ؟؟؟

واقدر ارضعو دحين وانا معايا الدورة لانو عندي حليب لسى ما انقطع الحمد لله وهذا اللي مفرحني بس يا بنات انا اخذت حبوب الياسمين لمدة 3 ايام وبعدين جاتني الدورة يعني مفعول الحبوب اثر على الحليب ؟؟؟ يعني ما اقدر ارضعو رغم انو عندي حليب !! ؟؟؟

وحليب البقر زي ما يقولو كويس للطفل ؟؟؟

*** وللمعلومه انا حلمت صدري ماهي بارزه سطحيه وما تبرز الا اذا حسيت بالبرد وولدي عمرو الان شهرين **

امانه ردو بيتي بيخترب وكلو بسبب الرضاعة وانا ما ابغى وحده ترضعو غيري

اوصفو لي شئ يصفي حليب صدري ويخليه كانو ما اخذت حبوب!! لانو يقولو انو حبوب الياسمين تغير في الحليب وممكن يضر الطفل

** وقولو لي على طريقة تخلي ولدي يرضع مني ردو علي بسرعه

في أداة اوجهاز بالصيدلية يسحب حليب الأم من صدرها وانتي استخدميه وحطي الحليب لطفلك بالرضاعة

وحاولي تتركي الحبوب اللي تاخذيها فترة الأربعين لحد ما تفطمي ولدك

وفي ناس يقولوا ان الرضاعة تمنع الحمل يعني لآ تخافي

وادا مامشي الحال استشيري استشاري اطفال عن نوع الحليب المناسب لعمر طفلك