شوفان تقريباً كوب مليان
بصل حوالى اربعة كبار
لبن
3 بيضات
ملح وفلفل وقرفة وبهارات
أول حاجة بنحط لبن على الشوفان لحد ميغطيه ونسيبه عشر دقايق هتلاقى الشوفان شرب اللبن زى الصورة
نقطع البصل ونفرمه فى الكبة مع الملح والفلفل والبهارات والقرفة
وبعدين نحط عليهم الشوفان اللى باللبن والبيض ونضربهم ضرباً مبرحاً
نضيفهم على اللحمة ونعجنهم أو ممكن نحط معاهم اللحمة فى الكبة
بتبقى عاملة زى عجينة الطعمية
بعد كدة نفردها فى صوانى مدهونة سمنة
هنا عملت معايا صينيتين كبار
وندخلها الفرن حوالى نصف ساعة فى النص من غير شواية ولا حاجة
للاسف نسيت أصورها وهى لسة طالعة من الفرن
بس دى صورتها وهى متقطعة
بعدين بقطعها وبشيلها فى الفريزر فى علب بس بحط مبين القطع أكياس علشان تبقى سهلة على لما أحتاج أعمل ساندويتشات
بطلعها وأسخنها وأعمل أحلى ساندويتشات
ولو عايزة طعمها زى ساندويتشات برة بالظبط حطى كاتشب ومايونيز وجبنة وبالهنا
معلومة: لو عايزة تزودى القيمة الغذائية ممكن تزودى كوساية وجزراية مع البصل وهو بيتفرم
