………………………… ………………..
هنحتاج كرة الاستحمام الفوراه ودى هنجيبها من المحلات اللى بتبيع منتجات طبيعيه زى اكشاك اللى فى سيتى ستارز
اولا الكره حجمها كبيره هنجيبها ونقسمها ل4 قطع ونستخدم كل مره ربع لانه كفايه ولو عايزه تزودى وتحطى نصها براحتك
هنملى البانيو مية سخنه اقصى درجه ممكن تستحمليها ونحط فيها ربع الكره بتاعتنا وهتلاقيها بتفور عادى سيبيها لانها كده بتطلع الزيوت والعطور اللى فيها وممكن تاخديها وهى بتفور تمشيها على جسمك عشان الريحه تثبت اكتر وبعدين نقعد فى الميه بعد الفوران حوالى 15 دقيقه وكل اما تقعدى اكتر يبقى احسن
ملحوظه يا بنات تكونى واخده الشاور بتاعك قبل الحمام العطرى لان بعد الحمام المفروض تنشفى جسمك وتخرجى مش تضيعى اللى عملتيه بانك تستخدمى الشاور جل او غيره
الكره فيه منها براويح كتير اختارى اللى يعجبك وكمان هى مركزه اوى يعنى محدش يتهور ويحطها كلها وسعرها مناسب جدا ممكن تعمل حاجه وتلاتين دلوقتى وبتتقسم على اربع مرات يعنى مش غاليه خالص مقارنه بسعر الحمام العطرى فى اى بيوتى سنتر
