ظلال الآيات 15

الزوجة لزوجها
لو تشوف سلفتي شو جابلها جوزها ، والله ما مخلي شي بنفسها، زيّك ولا بتتذكر انو عندك زوجة

النساء: الرجال عايشين مرتاحين ، برجع من شغله وبطُش ، اما احنا من الصبح لليل شغل

الرجال: النسوان مرتاحات ، لا عليهم دوام ولا بشوفوا كل يوم خلقة المدير والموظفين ، وقاعدات بهالبيت.

الابناء يا ماما كل الشباب والبنات تلفوناتهم s4 وانا ضاحكين علي بتلفون معفّن
قال تعالى (ولا تتمنوا ما فضل الله به بعضكم على بعض ، للرجال نصيب مما اكتسبوا وللنساء نصيب مما اكتسبن ، واسألوا الله من فضله ،إن الله كان بكل شيئ عليما)
النص ينهى عن التطلع الى ما عند الغير وتمنيه…
ويرشدك لحل ثانٍ (واسألوا الله من فضله)

لا تقول فلان عندو وأنا ما عندي، وفلان مرتاح بوظيفتو ولا تقولي فلانة اولادها ناجحين…
لا لا ما تشغلش قلبك بهالشي وانت تتفرج ع غيرك وتحس انو ربنا اعطاهم وما اعطاك ، وقلبك يصير في شوية غيرة او احساس بالظلم.
بدل هيك ارفع ايدك وقول يا رب. ارزقني.. يا رب اهدي ولادي.. يا رب…….
وحس بداخلك انك توجهت لمصدر العطاء والكرم ، لربك الذي لا ينقص ما عنده بما اعطاك.. ولا يضيق بك اذا سالته.. فتحل الطمأنينة في نفوسنا بدل الشعور بالغيظ والتطلع إلى ما عند الغير….