اليوم جايبه لكم كم شكل للفطاير صلحتها أنا..!!!!<<<لا ياشيخه
المهم أمس أشتهيت اصلح فطاير وقمت وعجنت وصلحتها وقلت عيب يابنت نزلي الطريقه بالصور للبنات الحلوين
أولا عجنت بطريق العجينه الذهبيه
المقادير
2ونص كوب دقيق
1 كاس لبن زبادي "عادي لو مافيه لبن خذي علبة زبادي وخفففيها بويه"
1 ملعقه كبيرة وشويه خميرة فوريه
1 ملعقه كبيرة وشويه P.P
ربع كوب زيت
ذره ملح
3 ملاعق كبيرة سكر
لو عندك آلة العجانه بتسهل عليك العجن
الطريقه تعجنيها مع بعض لحد مايصير ملمسها مثل عجينة الفطاير
""صلحوها وقولولي رآآيكم ماراح تفشلكم هالعجينه عجيييبه وتطلع شكل الفطاير في النهايه وآآآو""
وبعد كم ساعه بديت أصلح الفطاير صلحت فطاير الورده
فطاير الورده صلحتها عن طريق صحون القوالب حقت كوب الكيك
أخذ قطعة عجينه وأحشيها جبن "أنا حشيتها تمر" بعدين رصيت ثلاث جنب بعض داخل كل قالب
وبعد ماطلعتها صبيت عليها عسل…
النوع الثاني بيتزا
طبعا معروفه خلطة البيتزا مع الزيتون وجبن الشيدر المبروش
لكن محاكيتكم مالقت جبن مبشور فأخذت جبن مثلثات وشوي لبن وخلطتها في الخلاط وصبيت عليها طلعت حلوه
النوع الثالث كرواسون
النوع الرابع سينبون
مامداني أصلح عليها خلطه فصبيت عليها عسل
النوع الخامس خلية النحل
حشوتها لازم تكون جبن لكن عشان مامي ماتاكل جبن فحشيتها تمر
لكن بعد ماتطلع من الفرن لازم تشربينها شيره
نصيييحه مني عشان تكون الفطاير حلوه ومنفوشه لما تبدين تصلحينها شغلي الفرن ولما يكون دآآآآفي طفي عليه
وبعد ماتخلصين الفطاير دخليها في حرارته بس .. وبعد ربع او نص او حتى ساعه شغلي عليها الفرن
وشوفي كيف حلاوتها وقبل أدهنيها ببيض مخلوط مع حليب سايل وزيت..وشوفي الحلاوه والحجم الكبير
وللعلم الفطاير لازم تدخل الفرن وبعديييين شغلي عليها عشان حجمها يتضاعف الكيك لازم يدخل والفرن حار""للعلم فقط
للاعضاء الحلوين
وبالعافيه عليكم
جوودي
لاهنتي
كل الوود
ابداع
شكرا لـ،ــ،ـك
تقبلي مروري
نورتو بمروركم
ماقصرتوو…………………
شكري لكم
جوودي
