عساني أطفي جمرة الشوق وأنساك

لو فآخر الدينا نصيتك وجيتك
لكن أحسك تبتعد لا نصيناك

دمعي تقطر في رجوعك فديتك
وقلبي على جمر إنتظاره تحراك

طفت المداين والشواطي وليتك !!
صدفه ولو عيني تحصل ملاقاك

مليت حالة لا إنتهيتك بديتك
ثم أبتدي يأسي نهايه بطرياك

أحيان أقول إني كفيت ونسيتك
وأحيان أهون وأتولع في ذكراك

وأنا مابين الحالتين إشتهيتك
وهذا آلم .. مدري بشاره إتوراك ؟!!

أول زمان أول تجي لا ناديتك ؟
والحين من يآس إقتنعت بمناداك

كانك على علم بهمومي رجيتك
وأفنيت عمري في قدومه محياك